Nicca karnavalı, 2013 jıl. AFP PHOTO / VALERY HACHE

Jıl sayın francuz Riv'erinde ötetin Nicca karnaval şerui biıl mıñdağan körermen men qatısuşılardı tağı da qızıqtırdı.

Niccadağı karnaval – braziliyalıq jäne veneciyalıq karnavaldarmen qatar älemdegi eñ iri jäne eñ köne şara.

Foto: APP

Osı jılı Resey prezidenti Vladimir Putin, Franciya prezidenti Emmanuel' Makron men onıñ jwbayı Brijit beynesindegi quırşaq talqığa tüsti. Körermenderdiñ pikirinşe, Putin beynesindegi quırşaq älemdik jağdaydağı sayasi jağdaydı körsetu üşin jasalınğan. Äsirese, Putindi Europa elderiniñ Reseymen qarım-qatınasına, Solsberidegi jäne Azovtağı jağdayğa eş män bermeytin keyipte körsetken. «Sarı jeyde» kigen Makron beynesi Franciyadağı ereuil, halıq narazılığına degen közqarastı, al osı quırşaqtı qolına wstağan AQŞ prezidenti Donal'd Tramp «sayasattağı alıp sayqımazaq» retinde beynelengen.

Foto: REUTERS

Biılğı karnaval taqırıbı – «Kino Koroli». Endi 16 aqpan men 2 naurız aralığında Niccadağı 135-şi karnaval barısında bükil älemniñ mıñnan astam bişileri men muzıkanttarı qatısatın altı şeru ötedi.

Foto: REUTERS

Sonımen qatar, Niccada «Victorine Studios» kinostudiyasınıñ 100 jıldığı jäne Jan Kokto, Al'fred Hiçkok, Vudi Allen, Marsel' Karne jäne basqa da jetekşi rejisserler öz kartinaların tüsirgen Lazur jağasında älemdik kinematografiya mereytoyı toylanadı.

"The Qazaq Times"