ۇلىبريتانيادا لەيبوريستىك پارتيادان شىققان جەتى پارلامەنتاري ەلدىڭ ەۋرووداقتان شىعۋىنا جانە انتيسەميتيزمگە قارسىلىق ەسەبىندە وتستاۆكاعا كەتتى. بۇل تۋرالى مirror باسىلىمى حابارلادى.
پارلامەنت مۇشەلەرى بريتان پارتياسىنىڭ كوشباسشىسى دجەرەمي كوربيننىڭ پوزيتسياسىمەن كەلىسپەگەندىكتەن دە وسىنداي شەشىم قابىلداعان. The New York Times جازعانداي، سوڭعى ايلاردا لەيبوريستەر قاتارىنداعى ورتا جانە سولشىل توپتار اراسىندا قايشىلىقتار كۇشەيە تۇسكەن. پارتيادان كەتكەندەردىڭ ءبىرى، ساياساتكەر كريس لەسلي «لەيبوريستىك پارتيانى ۋلترا ساياساتكەرلەر باسىپ الىپ، ەۋروپانى ساتىپ كەتتى»، – دەپ مالىمدەدى.
لەيبوريستىك پارتيادان جەتى ادامنىڭ شىعۋى «Brexit» جوسپارىنىڭ بريتانياداعى ساياسي جۇيەگە قالاي اسەر ەتەتىنىن كورسەتتى. ەل پرەمەر-ءمينيسترى تەرەزا مەي باسشىلىعىمەن كونسەرۆاتورلار ءوز اراسىندا ىشكى قايشىلىقتارعا تاپ بولدى. بريتانيانىڭ «ءسيونيستى» اتالعان لۋسيانا بەرگەر «تەڭدىك پەن ادىلەت» قاعيدالارىن ۇستانعان پارتيا مۇشەلەرى ەۋروپالىق وداقتان شىعۋ تۋرالى شەشىم شىعارعاننان كەيىن، ۇلىبريتانيانىڭ الەم الدىنداعى بەدەلىنە نۇقسان كەلتىرگەنىن ايتتى. ال ساياساتكەر دجەرەمي كوربين ارىپتەستەرىنىڭ وسىنداي شەشىمىمەن كەلىسپيتىنىن ايتتى.
2016 جىلى ۇلىبريتانيانىڭ ەو-دان شىعۋ تۋرالى رەفەرەندۋمى قارساڭىندا لەيبوريستەر مەملەكەت وداق قۇرامىندا قالۋى ءتيىس دەپ مالىمدەگەن. الايدا، ورتاق كەلىسىمگە كەلۋ قيىنداي تۇسكەن سوڭ، لەيبوريستەر كەزەكتى رەفەرەندۋم وتكىزۋدى تالاپ ەتتى. بۇگىندە Brexit شەشىمى تەك بىرىككەن كورولدىككە عانا ەمەس، وزگە دە مەملەكەتتەرگە سالقىنىن تيگىزۋدە. ونىڭ قاتارىندا بەلفاست كەلىسىمى دە بار. وسى رەتتە يرلانديا پرەمەر-مينيسترى لەو ۆارادكارد: «لوندوننىڭ وداق قۇرامىنان شىۋ تۋرالى شەشىمى يرلاند حالقى مەن اعىلشىندار اراسىندا قايشىلىق تۋعىزادى. بىراق ءبىز وسىنى ءساتتى پايدالانىپ، يرلانديانى بىرىكتىرۋ ماسەلەسىن قاراستىرماقپىز. ول ءۇشىن الدىمەن شەكاراداعى جاعدايلاردى رەتكە كەلتىرۋىمىز كەرەك. يرلانديا – ەش مامىلەسىز «ساياسي ستسەناريدەن» قۇتىلعىسى كەلەتىن ەل. ياعني ءبىز داۋ تۋدىرماي شەكارا ماسەلەسىن رەتكە كەلتىرۋىمىز قاجەت. وسى ماقساتتا دايىندالىپ جاتىرمىز.»، – دەيدى. ال ەۋروپالىق كوميسسيانىڭ توراعاسى جان-كلود يۋنكەر: «بۇل مامىلە، ارينە، ءۇش ەلەمەنتتى قامتيدى. سوندىقتان ۇلىبريتانيانىڭ وتپەلى كەزەڭنەن كەتەتىنىنە قاتىستى كەلىسىمدەر يرلانديا ارالىندا قاتاڭ شەكارا بولمايتىنىنا كەپىلدىك بەرۋى قاجەت. كەلىسىم جاي عانا كوز جۇمىپ قارايتىن دۇنيە ەمەس، بۇل – جاڭا قارىم-قاتىناستاردىڭ كەلەشەگىن باياندايتىن بىرلەسكەن ساياسي دەكلاراتسيا» – ەكەندىگىن ايتتى. بىلتىر بريتانيا پرەمەر-ءمينيسترى تەرەزا مەي كورولدىك قۇرامىنداعى سولتۇستىك يرلانديا مەن ەۋرووداققا كىرەتىن يرلانديا اراسىنداعى شەكارا اشىق بولۋى كەرەك دەگەن بولاتىن. بىراق، رەسمي بريۋسسەل مۇنىڭ جۇزەگە اسپايتىنىن ايتقان. سەبەبى بريتانيا وداقتان شىققاننان كەيىن دە ونىڭ قۇرامىنداعى ەلمەن اراداعى شەكارا اشىق بولمايدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
رىسبەك سارسەنبايۇلى: اەس – جارىلىپ كەتۋگە شاق تۇرعان بومبانى قۇشاقتاپ وتىرعانمەن بىردەي
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
جاۋاعاشتى تۇرمەسى ايگەرىمدى تاعايىندالعان ەمگە جىبەرمەي جاتىر