فوتو: kazgazeta.kz

اشارشىلىق قۇرباندارىنا ارنالعان «زۇلمات» دەرەكتى ءفيلمى جارىق كوردى.

جۋرناليست، جانبولات مامايدىڭ اۆتورلىعىمەن تۇسىرىلگەن فيلمدە 1921-1922, 1931-1933 جىلدارى قازاق دالاسىندا بولعان جان تۇرشىگەرلىك وقيعالار جونىندە ايتىلعان. وسى ۋاقىتقا دەيىن قاراپايىم حالىق اراسىندا «قازاق اشارشىلىققا قارسى كۇرەسپەگەن بە؟ ستالين رەجيمىنە ەشقانداي قارسىلىقسىز مويىن ۇسىنعان با؟» دەگەن سان الۋان ساۇراقتاردىڭ بار بولعاندىعىن ەسكەرسەك، «زۇلمات» ءفيلمى ءدال وسى سۇراقتارعا جاۋاپ بەرەدى. فيلم اۆتورلارى تاريحي دەرەكتەرگە سۇيەنىپ، اشارشىلىق جىلدارى كۇشپەن ۇجىمداستىرۋعا قارسى ەل اراسىندا «سارى بوز» اسكەري جاساقتارى قۇرىلىپ، قىزىل ارمياعا قارسى كۇرەس جۇرگىزگەنىن ايتادى.

ءبىز ارينە فيلمگە تولىققاندى باعا بەرەتىن تاريحشى نەمەسە كينوتانۋشى ەمەسپىز. بىراق كەشە الماتىنىڭ «ارمان» كينوتەاترىندا وتكەن ءفيلمنىڭ تۇساۋ كەسەرىنە جينالعان مىڭداعان ادامدى كورىپ، «اشارشىلىق» تاقىرىبىنىڭ قازاق قوعامىنا قانشالىقتى ماڭىزدى ەكەندىگىن بايقادىق.

"The Qazaq Times"