فوتو: Zakon.kz

نۇرسۇلتان نازارباەۆ: «سەندەر مينيستر ەمەس، قورقاقسىڭدار» - دەپ ءوزى تاعايىنداعان ۇكىمەت مۇشەلەرى مەن مينيسترلەر كابينەتىن "جەردەن الىپ، جەرگە سالدى".

بۇگىن استانا قالاسىندا وتكەن ۇكىمەتتىڭ كەڭەيتىلگەن وتىرىسىندا نۇرسۇلتان نازارباەۆ ۇلتتىق بانك توراعاسى دانيار اقىشەۆتان باستاپ، مينيسترلەر قوستاعان ۇكىمەت مۇشەلەرىن قاتاڭ سىنعا الدى.

«قارجى جۇيەسىن... بانك قۇرادى. ادامدار سەنىپ، اقشاسىن الىپ كەلەدى. كۆازيمەملەكەتتىك سەكتورعا قارجى سالادى، ال كەيىننەن ءوز اكتسيونەرلەرى سونى ۇرلايدى. دانيار (ۇلتتىق بانك توراعاسى اقىشەۆ) باسىڭمەن جاۋاپ بەرەسىڭ. اكتسيونەرلەردىڭ اقشا ۇرلاماۋىن قاداعالاۋ كەرەك. ءبىز بۇل جەردە نە ىستەپ وتىرمىز؟ بۇل تولىقتاي قالىپتاسپاعاندىقتىڭ بەلگىسى. ەكونوميكانى بانكروتتاردان تازارتپاعانشا ءبىز دامىمايمىز. ۇكىمەت تە، بانكتەر دە ىلعيدا سۇرىنەتىن بولادى. بانكروت ينستيتۋتى نارىقتىق ەلدەردە كەڭىنەن تارالعان قۇبىلىس. سەندەر ۇكىمەت، مينيستر ەمەس قورقاقسىڭدار. شەشىم قابىلداۋ ءۇشىن قول-اياقتارىڭ دىرىلدەيدى. ونداي بولاتىن بولسا، نەمەنەگە جۇمىس ىستەپ وتىرسىڭدار؟ بانكتەردىڭ بارلىعىن تازارتىڭدار دا وتستاۆكاعا كەتىڭدەر. سول كەزدە جۇمىس بولادى. سول كەزدە بۇل ۇكىمەت ءادىل جۇمىس ىستەدى دەپ ەسەپتەيمىن. بارلىق جاسايتىنىمىز قول بۇلعاۋ، ال شىن مانىندەگى جۇمىس جوق. پرەمەر-مينيستر بارلىق سۇراقتاردى شەشەسىڭ. «كەتەسىڭدەر» دەپ جاي ايتتىم. كەتپەيسىڭدەر، ىستەڭدەر، بايانداڭدار» - دەدى نازارباەۆ.

"The Qazaq Times"