فوتو: praktika-vlasti.com.ua

ۇلىبريتانيادا 2016 جىلى بۇكىلحالىقتىق رەفەرەندۋم قابىلدانىپ، ەۋروپالىق وداق قۇرامىنان شىعۋ پروتسەسى تانىستىرىلدى. داۋىس بەرۋ كەزىندە حالىقتىڭ 51,9%-ى قولداسا، قالعان 48,1%-ى قارسىلىق بىلدىرگەن. سول ۋاقىتتان بەرى Brexit جوسپارىنا قاتىستى شەشىم پىكىر قايشىلىعىنا اكەپ سوقتى.

بريتانيانىڭ بۇرىنعى سىرتقى ىستەر ءمينيسترى، كونسەرۆاتور بوريس دجونسون مەيدىڭ شەشىمىنە قاتىستى: «ۆاسسالدى مەملەكەت اتانۋعا از عانا قالعانداي. Brexit – ساياسي بايلانىس پەن دامۋدى تەجەيتىن جوسپارن. مينيسترلەر كابينەتى بۇل جوبانى قابىلدامايدى دەگەن ۇمىتتەمىن»، – دەدى. ال بىرىككەن كورولدىكتىڭ تاۋەلسىزدىك پارتياسىنىڭ بۇرىنعى باسشىسى (UKIP), نايدجەل فارادج: «مەنىڭ ويىمشا، بۇل تاريحتاعى ەڭ ناشار مامىلە. ءبىز باسقانى دا، ءوز-ءوزىمىزدى دە جەڭگەن ەل رەتىندە قالىپتاستىق. وسى ۇستانىمدى ساقتاپ قالۋ كەرەك. ەگەر دۇرىس شەشىم قابىلدانباسا، مينيسترلەر كابينەتىنىڭ مۇشەلەرى جاپپاي وتستاۆكاعا كەتكەنى ءجون بولار»، – دەپ، مەيگە ۆوتۋم جاريالاۋ تۋرالى ۇسىنىس ءبلدىردى.

بريتانيا ەو-دان رەسمي تۇردە شىققان كۇننەن باستاپ 2019 جىلعى 29 ناۋرىزدا جانە 2020 جىلدىڭ سوڭىنا دەيىن وتپەلى كەزەڭ جالعاسادى. ونىڭ ىشىندە تاراپتار ديپلوماتيالىق قاتىناستاردىڭ بارلىق اسپەكتىلەرى: تاۋارلاردىڭ، كاپيتالدىڭ، قىزمەتتەر مەن ادام قۇقىعى، عىلىمي دامۋ جانە قۇقىق قورعاۋ ورگاندارىنىڭ ىنتىماقتاستىعى تۋرالى ۋاعدالاسادى.

بريتانيا وتپەلى كەزەڭىنىڭ سوڭىنا دەيىن بىرەۋدەن باسقا بارلىق قاتىناستاردا ەو-نىڭ ءبىر بولىگى بولىپ قالادى. الايدا، ەۋرووداق بيلىگىنىڭ ورتالىق ورگاندارىندا وكىلدەر مەن داۋىس بەرۋ قۇقىعىنان ايىرىلادى. ەگەر تەرەزا مەي ۇكىمىەتى ارنايى شارتتارعا قول قويسا، بريتانيانىڭ وتپەلى كەزەڭدى ەكى جاقتى كەلىسىم بويىنشا ۇزارتۋعا مۇمكىندىگى بار.

Brexit تاقىرىبى ساياساتتاعى كۇن تارتىبىندە تۇرعان ماسەلەگە اينالعالى بەرى، سولتۇستىك يرلانديا مەن يرلانديا رەسپۋبليكاسى شەكاراسىنىڭ بولاشاعى دا تالقىلانا باستادى. ەو ايالعان مەملەكەت اراسىندا قاتاڭ تولقۇجاتتىق باقىلاۋ مەن شەكارالىق داۋ بولماۋى ءتيىس دەگەن تالاپ قويدى. سونىمەن قاتار، ۇلىبريتانيا 2019 جىلعى 29 ناۋرىزدا ەو-دان شىققاننان كەيىن ەو-عا 39 ملرد فۋنت ستەرلينگ تولەيدى. ۇلىبريتانيانىڭ ەۋرووداقتان شىعۋىنا جەتپىس كۇن قالعاندا تەرەزا مەي دەپۋتاتتارعا قوسىمشا جوسپارىن تانىستىرادى. لوندونداعى ەۋروپا ۋنيۆەرسيتەتىنىڭ عىلىمي قىزمەتكەرى وليۆەر پاتەلدىڭ پىكىرىنشە، مەيدىڭ دەپۋتاتتار الدىنا شىعىپ، «ب» جوسپارى تۋرالى ايتۋى ونىڭ ساياساتىنداعى ماڭىزدى وزگەرىستەردى كورسەتە المايدى. سوندىقتان دا، الداعى ۋاقىتتا ەلدە ساياسي رەفورمالار ورىن الۋى مۇمكىن.

"The Qazaq Times"