Brexit: Wlıbritaniyanıñ bağıtı qanday?

Wlıbritaniyada 2016 jılı bükilhalıqtıq referendum qabıldanıp, Europalıq Odaq qwramınan şığu procesi tanıstırıldı. Dauıs beru kezinde halıqtıñ 51,9%-ı qoldasa, qalğan 48,1%-ı qarsılıq bildirgen. Sol uaqıttan beri Brexit josparına qatıstı şeşim pikir qayşılığına äkep soqtı.

Britaniyanıñ bwrınğı Sırtqı ister ministri, konservator Boris Djonson meydiñ şeşimine qatıstı: «Vassaldı memleket atanuğa az ğana qalğanday. Brexit – sayasi baylanıs pen damudı tejeytin josparn. Ministrler kabineti bwl jobanı qabıldamaydı degen ümittemin», – dedi. Al Birikken Korol'diktiñ Täuelsizdik partiyasınıñ bwrınğı basşısı (UKIP), Naydjel Faradj: «Meniñ oyımşa, bwl tarihtağı eñ naşar mämile. Biz basqanı da, öz-özimizdi de jeñgen el retinde qalıptastıq. Osı wstanımdı saqtap qalu kerek. Eger dwrıs şeşim qabıldanbasa, Ministrler kabinetiniñ müşeleri jappay otstavkağa ketkeni jön bolar», – dep, Meyge votum jariyalau turalı wsınıs bldirdi.

Britaniya EO-dan resmi türde şıqqan künnen bastap 2019 jılğı 29 naurızda jäne 2020 jıldıñ soñına deyin ötpeli kezeñ jalğasadı. Onıñ işinde taraptar diplomatiyalıq qatınastardıñ barlıq aspektileri: tauarlardıñ, kapitaldıñ, qızmetter men adam qwqığı, ğılımi damu jäne qwqıq qorğau organdarınıñ ıntımaqtastığı turalı uağdalasadı.

Britaniya ötpeli kezeñiniñ soñına deyin bireuden basqa barlıq qatınastarda EO-nıñ bir böligi bolıp qaladı. Alayda, Euroodaq biliginiñ ortalıq organdarında ökilder men dauıs beru qwqığınan ayırıladı. Eger Tereza Mey ükimieti arnayı şarttarğa qol qoysa, Britaniyanıñ ötpeli kezeñdi eki jaqtı kelisim boyınşa wzartuğa mümkindigi bar.

Brexit taqırıbı sayasattağı kün tärtibinde twrğan mäselege aynalğalı beri, Soltüstik Irlandiya men Irlandiya Respublikası şekarasınıñ bolaşağı da talqılana bastadı. EO aialğan memleket arasında qatañ tölqwjattıq baqılau men şekaralıq dau bolmauı tiis degen talap qoydı. Sonımen qatar, Wlıbritaniya 2019 jılğı 29 naurızda EO-dan şıqqannan keyin EO-ğa 39 mlrd funt sterling töleydi. Wlıbritaniyanıñ Euroodaqtan şığuına jetpis kün qalğanda Tereza Mey deputattarğa qosımşa josparın tanıstıradı. Londondağı Europa universitetiniñ ğılımi qızmetkeri Oliver Patel'diñ pikirinşe, Meydiñ deputattar aldına şığıp, «B» josparı turalı aytuı onıñ sayasatındağı mañızdı özgeristerdi körsete almaydı. Sondıqtan da, aldağı uaqıtta elde sayasi reformalar orın aluı mümkin.

"The Qazaq Times"