BBC: پۋتين رەيتينگىسى سوڭعى 13 جىلدا كۇرت تومەندەدى

سوتسيولوگتار رەسەي پرەزيدەنتى ۆلاديمير پۋتينگە قاتىستى سەنىم رەيتينگىسىنىڭ كەزەكتى مارتە تومەندەگەنىن انىقتادى. ساۋالناما بويىنشا، رەسەيلىكتەردىڭ 33%-ى عانا مەملەكەت باسشىسىنا سەنىم بىلدىرگەن. بۇل سوڭعى 13 جىلداعى ەڭ تومەنگى كورسەتكىش.  

ۇكىمەت رەيتينگى زەينەتاقى رەفورماسى باستالعاننان كەيىن قۇلدىراي باستاعان. بۇكىلرەسەيلىك قوعامدىق پىكىردى زەرتتەۋ ورتالىعىنىڭ ساراپتاۋىنشا، ساۋالناماعا جاۋاپ بەرۋشىلەردىڭ 32,8%-ى پرەزيدەنتكە سەنىم بىلدىرەتىنىن ايتقان. بىراق، بۇل كورسەتكىش ۆلاديمير ءپۋتيننىڭ رەيتينگىسى جىلدان-جىلعا تومەندەپ بارا جاتقانىن بىلدىرەدى دەيدى ساراپشىلار. ال «قوعامدىق پىكىر» قورىنىڭ (فوم) ەسەپتەۋىنشە، پۋتينگە «ءسوزسىز سەنەتىندەر» سانى سوڭعى اپتادا، كەرىسىنشە، 31%-دان 33% -عا دەيىن وسكەن. ال حالىقتىڭ 34%-عا جۋىعى مەملەكەت باسشىسىنا دەگەن سەنىمنىڭ جوقتىعىن بىلدىرگەن.  2018 جىلدىڭ ناۋرىزىندا پۋتين جەڭىسكە جەتكەن پرەزيدەنتتىك سايلاۋعا دەيىن بۇل كورسەتكىش 66-68% دەڭگەيىندە بولعان.

الەۋمەتتانۋشىلار پۋتين اكىمشىلىگى ۇسىنعان زەينەتاقى رەفورماسى «ءبىرتۇتاس رەسەي» پارتياسىنىڭ ايماقتارداعى جەڭىلىسىنە اكەپ سوقتى دەپ سانايدى. ۇكىمەت قارجىلىق جاعدايدى جاقسارتۋ ءۇشىن زەينەتكەرلىك جاستى كوتەرۋ تۋرالى وي تاستادى، بىراق بۇل شەشىم رەسەيلىكتەردىڭ نارازىلىعىن تۋدىردى. سوعان قاراماستان، تامىزدىڭ سوڭىندا پرەزيدەنت پۋتين ىمىرالاستىق نۇسقا ۇسىندى: باستاپقى جوبادا كورسەتىلگەندەي، ەرلەر ءۇشىن زەينەت جاسىن 60-تان 65 جاسقا دەيىن كوتەرۋ، ال ايەلدەر ءۇشىن 60 جاسقا دەيىن ۇلعايتۋ. وسى نۇسقا بىردەن قابىلدانىپ، پارلامەنت پرەزيدەنتتىڭ تۇزەتۋىنە سايكەس زەينەتاقى رەفورماسى تۋرالى زاڭ جوباسىن قابىلدادى.

3 قازاندا ۆلاديمير پۋتين اتالعان زاڭ جوباسىنا قول قويدى. ناتيجەسىندە، ونىڭ رەيتىنگىسى 2016 جىلمەن سالىستىرعاندا كۇرت تومەندەپ كەتكەن. رەسمي مالىمەتتەر بويىنشا، 2018 جىلدىڭ قازان ايىندا ءپۋتيننىڭ رەيتينگى 66%-عا تومەندەدى. 2014 جىلدىڭ كوكتەمىندە رەسەي قىرىمدى اننەكسيالاپ العاننان كەيىن، ءپۋتيننىڭ ساياساتتاعى ورنىنا جانە بيلىكتە ۇستاناتىن ادىلەتتىلىك پوزيتسياسىنا كۇمانمەن قارايتىندار سانى ارتقان.

"The Qazaq Times"