Resey prezidenti Vladimir Putin. Foto: www.stihi.ru

Sociologtar Resey prezidenti Vladimir Putinge qatıstı senim reytingisiniñ kezekti märte tömendegenin anıqtadı. Saualnama boyınşa, reseylikterdiñ 33%-ı ğana memleket basşısına senim bildirgen. Bwl soñğı 13 jıldağı eñ tömengi körsetkiş.  

Ükimet reytingi zeynetaqı reforması bastalğannan keyin qwldıray bastağan. Bükilreseylik qoğamdıq pikirdi zertteu ortalığınıñ saraptauınşa, saualnamağa jauap beruşilerdiñ 32,8%-ı prezidentke senim bildiretinin aytqan. Biraq, bwl körsetkiş Vladimir Putinniñ reytingisi jıldan-jılğa tömendep bara jatqanın bildiredi deydi sarapşılar. Al «Qoğamdıq pikir» qorınıñ (FOM) esepteuinşe, Putinge «sözsiz senetinder» sanı soñğı aptada, kerisinşe, 31%-dan 33% -ğa deyin ösken. Al halıqtıñ 34%-ğa juığı memleket basşısına degen senimniñ joqtığın bildirgen.  2018 jıldıñ naurızında Putin jeñiske jetken prezidenttik saylauğa deyin bwl körsetkiş 66-68% deñgeyinde bolğan.

Äleumettanuşılar Putin äkimşiligi wsınğan zeynetaqı reforması «Birtwtas Resey» partiyasınıñ aymaqtardağı jeñilisine äkep soqtı dep sanaydı. Ükimet qarjılıq jağdaydı jaqsartu üşin zeynetkerlik jastı köteru turalı oy tastadı, biraq bwl şeşim reseylikterdiñ narazılığın tudırdı. Soğan qaramastan, tamızdıñ soñında prezident Putin ımıralastıq nwsqa wsındı: bastapqı jobada körsetilgendey, erler üşin zeynet jasın 60-tan 65 jasqa deyin köteru, al äyelder üşin 60 jasqa deyin wlğaytu. Osı nwsqa birden qabıldanıp, parlament prezidenttiñ tüzetuine säykes zeynetaqı reforması turalı zañ jobasın qabıldadı.

3 qazanda Vladimir Putin atalğan zañ jobasına qol qoydı. Nätijesinde, onıñ reytingisi 2016 jılmen salıstırğanda kürt tömendep ketken. Resmi mälimetter boyınşa, 2018 jıldıñ qazan ayında Putinniñ reytingi 66%-ğa tömendedi. 2014 jıldıñ kökteminde Resey Qırımdı anneksiyalap alğannan keyin, Putinniñ sayasattağı ornına jäne bilikte wstanatın ädilettilik poziciyasına kümänmen qaraytındar sanı artqan.

"The Qazaq Times"