استانا قالاسىنا رەسمي ىسساپارمەن زيمبابۆە پرەزيدەنتى ەممەرسون منانگاگۆا كەلدى.

ءىسساپار بارىسىندا منانگاگۆا پرەزيدەنت نۇرسۇلتان نازارباەۆپەن كەزدەسەدى دەپ كۇتىلۋدە. ازىرگە تاراپتاردىڭ قانداي تاقىرىپتار بويىنشا كەلىسسوزدەر جۇرگىزەتىنى بەلگىسىز. الدىن الا بولجام بويىنشا، كەزدەسۋ قازاقستان مەن زيمبابۆە اراسىنداعى ساۋدا-ساتتىق جانە ەكونوميكالىق قارىم-قاتىناستاردى دامىتۋ جونىندە بولماق.

نۇرسۇلتان نازارباەۆ پەن ەممەرسون منانگاگۆا تۇڭعىش رەت كەزدەسۋدە. بۇعان دەيىن زيمبابۆە باسشىسى ءبىر دە ءبىر رەت قازاقستانعا كەلمەگەن. بۇعان دەيىن منانگاگۆا رەسەي پرەزيدەنتى ۆلاديمير پۋتين، بەلارۋس باسشىسى الەكساندر لۋكاشەنكو جانە ءازىربايجان پرەزيدەنتى يلحام اليەۆپەن كەزدەسكەن.

ايتا كەتەتىن ءبىر جايت، ەممەرسون منانگاگۆا 2017 جىلى زيمبابۆەنى كۇرەكتەي 30 جىل باسقارعان روبەرت مۋگابەنىڭ ورنىنا كەلگەن.  مۋگابە 2017 جىلعا دەيىن الەمدەگى ەڭ ەگدە جاستاعى مەملەكەت باسشىسى بولعان. ول بيلىك باسىنان 97 جاسقا قاراعان شاعىندا كەتكەن.

"The Qazaq Times"