گرەكيا حالقى ماكەدونيا رەسپۋبليكاسىنىڭ اتىن وزگەرتۋگە قارسى شىقتى

گرەكيا استاناسى افينادا مىڭداعان حالىق ماكەدونيا رەسپۋبليكاسىنىڭ اتىن وزگەرتۋگە قارسى ەرەۋىلگە شىقتى.

فرانتسيالىق lemonde.fr سايتىنىڭ مالىمدەۋىنشە، جينالعاندار افينا مەن سكوپەنىڭ بالقان تۇبەگىندە ورنالاسقان ماكەدونيا رەسپۋبليكاسىنا «سولتۇستىك ماكەدونيا» دەگەن جاڭا ات بەرۋ تۋرالى كەلىسىمگە قارسىلىعىن ءبىلدىرىپ وتىر. سينتاگما الاڭىنا جينالعانداردىڭ نارازىلىق اكتسياسى پوليتسيامەن قاقتىعىسقا ۇلاسقان. جاراقاتتانعاندار بار.

يۋگوسلاۆيا قۇرامىنان شىعىپ، 1991 جىلى تاۋەلسىزدىگىن جاريالاعاننان كەيىن ماكەدونيا گرەكيانىڭ سولتۇستىگىندە ورنالاسقان گرەكيالىق ايماقتىڭ اتاۋىمەن بىردەي بولعاندىقتان، گرەكيانىڭ نارازىلىعىن وياتا باستاعان ەدى. وسى داۋدى ەسكەرە وتىرىپ، گرەكيا ماكەدونيانىڭ ناتو مەن ەو-عا قوسىلۋىن بۇعاتتاپ تاستاعان بولاتىن. ودان بولەك، بۇل ەل بۇۇ –نا «بۇرىنعى يۋگوسلاۆيا رەسپۋبليكاسى ماكەدونيا» دەگەن رەسيمي اتاۋمەن كىرگەن. الەمنىڭ 142 ەلى بالقانداعى وسى ەلدى "ماكەدونيا رەسپۋبليكاسى" دەپ اتاپ، بۇل گرەكتەردىڭ ءبىر ەمەس، بىرنەشە مارتە قارسىلىق ناۋقاندار ۇيىمداستىرۋلارىنا سەبەپ بولدى. اقىرى، حالىقارالىق دەڭگەيگە جەتكەن وسى ماسەلە رەتتەلگەنشە ماكەدونيانى «بۇرىنعى يۋگوسلاۆيانىڭ ماكەدونيا رەسپۋبليكاسى» دەپ اتاۋعا شەشىم شىعارىلعان ەدى. افينا، جاڭا رەسپۋبليكانى گرەكيانىڭ مادەني مۇراسىنا قول سۇقتى دەپ ايىپتاپ، 2008 جىلى ماكەدونيانىڭ ناتو مەن ەۋرووداققا كىرۋىنە قارسى شىقتى. ال سولتۇستىكاتلانتيكالىق اليانستىڭ باس حاتشىسى يەنس ستولتەنبەرگ ماكەدونيا ءوزىنىڭ كونستيتۋتسيالىق اتاۋىن وزگەرتۋگە كەلىسپەسە، ونىڭ ناتو قۇرامىنا ەنۋى مۇمكىن ەمەس ەكەنىن ايتتى. سولتۇستىكاتلانتيكالىق اليانستىڭ باس حاتشىسى يەنس ستولتەنبەرگ ماكەدونيا ءوزىنىڭ كونستيتۋتسيالىق اتاۋىن وزگەرتۋگە كەلىسپەسە، ونىڭ ناتو قۇرامىنا ەنۋى مۇمكىن ەمەس ەكەندىگىن ەسكەرتكەن.

2017 جىلى بيلىك باسىنا كەلگەن جاڭا پرەمەر-مينيستر زوران زاەۆ ماكەدونيا رەسپۋبليكاسىنىڭ اتاۋىن وزگەرتۋگە دايىن ەكەنىن جانە بۇل تۋرالى گرەكيامەن كەلىسىمگە كەلۋگە بولاتىنىن مالىمدەگەن ەدى. سونداي-اق پرەمەر-مينيستر ەلدىڭ ناتو مەن ەو-عا مۇشە بولاتىنىن ايتقان. تاراپتاردىڭ كوپ ايلىق كەلىسسوزدەرىنەن كەيىن تىزىمگە «جاڭا ماكەدونيا»، «سولتۇستىك ماكەدونيا» جانە «جوعارى ماكەدونيا» دەگەن ءۇش اتاۋ ەنگىزىلگەن ەدى. ەندى، ەكىجاقتى ۇزاق كەلىسسوزدەردەن كەيىن رەسمي تۇردە «بۇرىنعى يۋگوسلاۆيانىڭ ماكەدونيا رەسپۋبليكاسى» دەپ، ال جالپىلاماي تۇردە «ماكەدونيا» دەپ اتالعان ەل ەندىگى جەردە «سولتۇستىك ماكەدونيا» دەپ وزگەرتىلدى.

ايتا كەتەيىك، وسىعان دەيىن ماكەدونيادا ەل اتاۋىن وزگەرتۋگە قارسى بىرنەشە ميتينگتەر ۇيىمداستىرىلعان.

"The Qazaq Times"