اۋعانستانداعى ايگىلى پانجشەر پروۆينتسياسىندا تالىپتەر مەن قارسىلىق كۇشتەرى اراسىندا تاعى دا سۇراپىل قاقتىعىس بولدى. ادەتتەگىدەي تالىپتەر پانجشەر شاتقالىنا كىرە المادى. بىراق، قارسىلىق كۇشتەر مالىمدەمە جاساپ، تالىپتەر پروۆينتسياداعى بەيبىت تۇرعىندارعا زورلىق-زومبىلىق كورسەتىپ جاتىر دەپ ايىپتادى.

قارسىلىق كۇشتەرى مەن تالىپتەر اراسىنداعى كەزەكتى قاقتىعىس ءدىني تارتىستان شىققانى تۋرالى مالىمەتتەر بار. ايتالىق، BBC ءوزىنىڭ جاسىرىن اقپارات كوزدەرى ارقىلى جيناعان مالىمەتتەرىندە، پانجشەردەگى ءدىن باسى قۇربان ايتتى تالىپتەردىڭ بەلگىلەگەن كۇنىنە ءبىر كۇن كەش بەلگىلەۋگە شەشىم شىعارعان بۇل تالىپتەردى اشۋىنا ءتيىپ، جەرگىلىكتى ءدىن باسىن قاماۋعا الماق بولادى. تۇتقىنداۋعا كەلگەن تالىپتەر قارسىلىققا ۇشىراپ، ءبىر توپ ادامىنان ايىرىلادى. بىراق، بۇنى تالىپتەردىڭ رەسميلەرى راستاعان جوق.

وڭىردەگى جەرگىلىكتى تۇرعىندار دا اقپارات قۇرالدارىنا وسىعان ۇقسام مالىمەتتەردى بەرگەن. ولار تاليبان كۇشتەرى بەيبىت حالىققا زورلىق-زومبىلىق جاساپ، ءتىپتى قالاعان ادامىن اتىپ كەتىپ جاتقانىن جەتكىزگەن. بىراق، تاليباننىڭ رەسمي وكىلى بۇنداي مالىمەتتەردى جوققا شىعارۋدا.

تاليبان قازىر اۋعانستان بيلىگىن قولىنا العانىمەن، پانجگەر شاتقالىندا ءالى دە بەرىلمەگەن «ۇلتتىق قارسىلىق شەبىنىڭ» قارۋلى كۇشتەرى بار. تالىپتەر بۇل اتىشۋلى شاتقالعا كىرە الماعانىمەن، ونداعى قارسىلىق كۇشتەرى تالىپتەرگە ونشالىقتى قاۋىپ تە توندىرە قويمايدى. قازىر قارسىلىق كۇشتەرىنىڭ جەتەكشىسى رەتىندە احمەد ماسۋد تۇر، بىراق ول تالىپتەر ەل بيلىگىن تولىق باسىپ العاننان كەيىن ەلدەن شىعىپ كەتتى.

The Qazaq Times