Apple كورپوراتسياسىنىڭ اكتسياسى 10%-عا ارزاندادى.

Nasdaq بيرجاسىنىڭ جىلدىق قورىتىندىسىنىڭ ناتيجەسىندە كومپانيا اكتسيالارى جالپى قۇنى 142 دوللارعا ارزانداعان. وسىعان دەيىن كومپانيا باسشىسى iPhone ساتىلىمىنىڭ نە سەبەپتى تومەندەگىنىن مالىمدەگەن. مالىمەتتەرگە سۇيەنسەك، كورپوراتسيا اكتسيالارىنىڭ قۇلدىراۋ سەبەبى اقش پەن قىتاي اراسىنداعى ساۋدا سوعىسى.

28 قاراشادا اقش پرەزيدەنتى دونالد ترامپ قىتايلىق تاۋارلارعا سالىقتى 25%-عا ارتتىراتىنىن ەسكەرتكەن بولاتىن. جالپى قۇنى 200 ميلليارد دوللار بولاتىن تاۋارلارعا جاڭا تاريف كەلەر جىلدىڭ 1 قاڭتارىنان كۇشىنە ەندى. ءباسپاسوز ءماسليحاتىندا اق ءۇي باسشىسى الداعى ۋاقىتتا قىتايمەن ناقتى ءبىر كەلىسىمگە كەلە الماعان جاعدايدا، قالعان تاۋارلار يمپورتىنا دا ءتاريفتىڭ ارتاتىنىن مالىمدەدى. سالىققا ىلىككەن تاۋارلار قاتارىندا قىتايدان اكەلىنەتىن iPhone ونىمدەرى، نوۋتبۋكتەر جانە وزگە دە تەحنيكالىق قۇرىلعىلار بار. ال بەيجىڭ تاراپى قۇراما شتاتتارىنا جاۋاپ رەتىندە سالىقتى كوتەرەتىنىن ايتقان.

ايتا كەتەيىك، Apple كومپانياسىنىڭ اكتسيا باعاسى 2017 جىلدىڭ العاشقى ءۇش ايىندا 24 % ءوسىپ، بەس جىلدا ەڭ ۇزدىك ماۋسىمدىق كورسەتكىشكە جەتتى. جىلدىڭ العاشقى ءۇش ايىندا Apple وزىندىك قۇنى تاريحىنداعى ەڭ جوعارى شەككە جەتىپ، 1,448 ءجۇز ميلليون اقش دوللارىن قۇراعان.

"The Qazaq Times"