فوتو: inbusiness.kz

Pegasus تىڭشى باعدارلاماسىن دايىنداعان يزرايلدىك NSO Group كومپانياسى iOS قۇرىلعىسىنا ۆيرۋس جۇقتىرۋ ارقىلى قولدانۋشىلارعا تىڭشىلىق ورناتقان. وسىعان بايلانىستى Apple كورپوراتسياسى NSO Grou-پەن سوتتاسادى. بۇل تۋرالى ورتالىق ازيا جاڭالىقتار قىزمەتى جازدى.

Apple قۇرىلعىلارىنىڭ وسال تۇسىن كيبەرقاۋىپسىزدىكپەن اينالىساتىن The Citizen Lab كانادالىق زەرتتەۋ توبى انىقتاعان. زەرتتەۋ ناتيجەسىنە قاراعاندا، Pegasus باعدارلاماسىن دايىنداۋ بارىسىندا يزرايلدىك كومپانيا PDF فايلدارمەن جۇمىس ىستەۋ كەزىندە قورعانىستىڭ وسال بولۋىن پايدالانعان.

Apple كورپوراتسياسى NSO Group كومپانياسىنىڭ باعدارلامالارىن Apple سەرۆيستەرى مەن قۇرىلعىلارىنا ورناتۋعا تىيىم سالۋىن سۇرادى.

بيىل شىلدە ايىندا Forbidden Stories ۇيىمى مەن بىرنەشە باق يزرايلدىك كومپانيانىڭ باعدارلامالارى جۋرناليستەر مەن مەملەكەت باسشىلارىنا تىڭشىلىق ورناتقانى جونىندە حابارلادى. ولاردىڭ اراسىندا فرانتسيا پرەزيدەنتى ەممانۋەل ماكرون دا بار.

NSO Group وكىلدەرى بۇنى جوققا شىعارىپ، باعدارلاماسىن تەرروريستەرمەن كۇرەسۋگە ارنالعان دەپ مالىمدەدى.

Pegasus باعدارلاماسى ۇيالى تەلەفوندى سىلتەمە كومەگىمەن بۇزىپ، ەلەكتروندى حاتتاردى، اڭگىمەلەردى جانە حابارلامالاردى قۇپيا تۇردە كوشىرىپ الادى.

CNN, Associated Press, Voice of America, New York Times, Wall Street Journal, Bloomberg News, Le Monde, Financial Times جانە Al Jazeera جۋرناليستەرىنىڭ ۇيالى تەلەفوندارى Pegasus باعدارلاماسىنىڭ كومەگىمەن بۇزىلعانى انىقتالدى. بۇعان قوسا، تىزىمدە 65 كاسىپكەردىڭ، 85 قۇقىق قورعاۋشىنىڭ، 600-دەن استام ساياساتكەردىڭ تەلەفون ءنومىرى بولعان.

The Qazaq Times