مانبيدج سۇرياعا قايتارىلدى

مانبيدج قالاسى ءسۇريا ۇكىمەتىنە قايتارىلدى. بۇل تۋرالى Reuters اگەنتتىگى حابارلادى.

ءسۇريا قارۋلى كۇشتەرى مانبيدجگە تۋ تىگىپ، قالانى رەسمي تۇردە سۇرياعا تيەسىلى دەپ جاريالادى. ماۋسىمدا رەسمي انكارا مەن ۋاشينگتون ءمانبيدجدى قاۋىپسىزدىكپەن جانە تۇراقتىلىقپەن قامتاماسىز ەتۋدى ءۇش كەزەڭمەن جۇزەگە اسىرۋعا كەلىسكەن ەدى. وسىعان بايلانىستى اقش-تىڭ مەملەكەتتىك دەپارتامەنتى تۇركيامەن بىرگە كۇرد وتريادتارىن مانبيدجدەن شىعارۋ كەستەسىن دايىنداعان. العاشقى كەزەڭدە كۇرد جاساقتارى مانبيدجدەن شىعارىلدى. ەكىنشى كەزەڭدە قالا 45 كۇن بويىنا باقىلاۋعا الىندى. ال ءۇشىنشى كەزەڭدە جەرگىلىكتى بيلىك قۇرىلدى.

ايتا كەتەيىك، بۇعان دەيىن سولتۇستىكتەگى شاھار كۇرد جاساقتارىنا قاراستى بولىپ كەلگەن ەدى. سونداي-اق كۇرد جاساقتارى 2016 جىلدىڭ ماۋسىمىندا اتالعان اۋداندى دايش ۇيىمىنان بوساتقان بولاتىن.

"The Qazaq Times"