دونالد ترامپ تۇركياعا رەسمي ىسساپارمەن بارادى

اقش پرەزيدەنتى دونالد ترامپ تۇركياعا ىسساپارمەن بارادى. بۇل تۋرالى تۇركيا پرەزيدەنتىنىڭ ءباسپاسوز حاتشىسى حابارلادى.

ىستامبۇلدا مينيسترلەر كابينەتىنىڭ ارنايى وتىرىسى ءوتىپ، ەكى ەل پرەزيدەنتتەرىنىڭ كەزدەسۋى تالقىلاندى. 14 جەلتوقساندا ەكى ەل باسشىلارى تەلەفون ارقىلى اڭگىمەلەسىپ، سۇرياداعى جاعدايلار مەن اسكەري قاقتىعىستارعا قاتىستى ارنايى كەلىسسوز وتكىزۋ جوسپارلانعان. وسىعان دەيىن ترامپ ءوزىنىڭ «Twitter» پاراقشاسىنا: «تۇركيا پرەزيدەنتى ەردوعان ماعان ءسۇريادا قالعان «يسلام مەملەكەتى» تەررورلىق ۇيىمىنىڭ قالدىقتارىن تولىعىمەن جوياتىنىن ايتتى. ول بۇنى ىستەي الاتىن ادام. ونىڭ ۇستىنە تۇركيا سۇرياعا كورشى وتىرعان مەملەكەت. ال، ءبىزدىڭ ساربازدارىمىز ەلگە ورالادى» - دەپ جازعان بولاتىن.

ايتا كەتەيىك، 20 جەلتوقساندا اقش «يسلام مەملەكتىنىڭ» جويىلعاندىعىن حابارلاپ، ءسۇريادان ءوز اسكەرىن شىعارا باستادى. ال تۇركيا مەن فرانتسيا ءوز اسكەرىن قالدىرىپ، تەررورلىق توپتارمەن كۇرەستى جۇرگىزە بەرەتىنىن ايتتى.

"The Qazaq Times"