سءۇريادا تاعى ءبىر رەسەيلىك سارباز كوز جۇمدى.
الەكساندر دۋدچەنكونىڭ قازا تاپقانى جونىندە اقپارات الەۋمەتتىك جەلىلەر مەن استراحان ايماقتىق باسىلىمداردا جازىلدى. سەيسەنبى كۇنى بۇل اقپاراتتى "Conflict Intelligence Team" (CIT) زەرتتەۋ توبى دا راستادى.
CIT الەكساندر دۋدچەنكونى جاقسى تانيتىن، مەكتەپتە بىرگە وقىعان اداممەن حابارلاسقان. ول دوستارىنا جانە تۋىستارىنا سىلتەمە جاساپ دۋدچەنكونىڭ قازا تاپقانىن راستاعان.
اقپارات قۇرالدارى دۋدچەنكونى "استراحاندىق دەسانتشى" دەپ اتاعان. بىراق قازاسى الدىندا ول اسكەري قىزمەتكەر بولىپ جۇمىس ىستەمەگەن. الەۋمەتتىك جەلىلەردەگى الەكساندر دۋدچەنكونىڭ پاراقشالارىنا قاراعاندا ول دەسانتشى بولىپ اسكەري بورىشىن وتەگەن.
"استراحان 24" اقپارات اگەنتتىگىنىڭ مالىمەتىنشە، ول اۋە شابۋىلى كەزىندە قازا تاپقان. «Al Masdar» سايتى اتىس ءسۇريانىڭ لاتاكيا پروۆينتسياسىندا بولعانىن حابارلايدى. ءسۇريا ۇكىمەتىن قولدايتىن سايت اۋە سوققىسىن ءسۇريانىڭ قارۋلى وپپوزيتسياسى جاسادى دەپ ايىپتايدى.
رەسەي اسكەرى 2015 جىلدىڭ 30 قىركۇيەگىنەن بەرى رەسمي تۇردە ءسۇريادا ەل پرەزيدەنتى باشار اساد جاعىندا سوعىسىپ كەلەدى. باستاپقىدا پرەزيدەنت ۆلاديمير پۋتين رەسەي اسكەرى تەك اۋە شابۋىلدارىنا عانا قاتىسادى دەگەن. بىراق قازىرگى تاڭدا ءسۇريادا رەسەيدىڭ اسكەري كەڭەسشىلەرى مەن اسكەري پوليتسيا بولىمدەرى جانە بۇدان بولەك جالدامالى جاساق ساربازدارى بار.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى