كورنەكى سۋرەت. فوتو: russian-vesna

ەۋروپا وداعى دونباسستاعى سايلاۋعا قاتىسى بار ادامدارعا سانكتسيا ەنگىزۋ تۋرالى شەشىم شىعاردى.

بريۋسسەلدە وتكەن جيىندا رەسەيدەگى جانە وعان جاقىن ايماقتارداعى جاعدايلار تالقىلانىپ، ۋكراينا شىعىسىنداعى رەسەي قولداۋ كورسەتەتىن سەپاراتيستىك ايماقتاردا سايلاۋ وتكىزگەنى ءۇشىن توعىز ادامدى قاتاڭ قاۋلى تىزىمىنە قوسۋ تۋرالى شەشىم شىعاردى. ال قاراشادا بولعان سايلاۋ مينسك كەلىسىمىنە قايشى دەپ تانىلدى. سانكتسيا تىزىمىندە دونەتسك پەن لۋگانسك وكىلدەرى بولۋى دا مۇمكىن.

جيىن كەزىندە كيەۆ پەن ماسكەۋ تەكەتىرەسى دە تالقىلاندى. وسىعان دەيىن اقش رەسەي ارەكەتىن «اگرەسسيالىق ساياسات» دەسە، گەرمانيا ءسىم 2014 جىلعى قىرىم اننەكسياسى مەن كەرچتەگى جاعدايدى ەسكەرە وتىرىپ، رەسەيگە قارسى سانكتسيانى كۇشەيتەتىنىن ايتقان. سونداي-اق ەۋروپالىق وداق قۇرامىنداعى مەملەكەتتەر جانە ناتو تولىعىمەن ۋكرايناعا قولداۋ ءبىلدىردى.

"The Qazaq Times"