فرانتسيادا جانارماي سالىعىنا قارسى حالىق ەرەۋىلى قايتادان باستالدى

فرانتسيادا سارىلاردان قۇرالعان توپتىڭ نارازىلىق اكتسيالارى ءالى دە جالعاسىپ جاتىر.  

حالىق تولقۋىن باسۋ ءۇشىن فرانتسيا ۇكىمەتى جانارماي سالىعىن الداعى جىلدارى كوتەرمەيتىنىن ايتقان بولاتىن. وسىعان بايلانىستى فرانتسيا پرەزيدەنتى ەممانۋەل ماكرون سالىقتى وسىرۋگە 6 ايعا دەيىن شەكتەۋ ەنگىزىپ، گاز بەن ەلەكتر ەنەرگياسى باعاسىن وسىرۋگە دە ۋاقىتشا تىيىم سالۋ تۋرالى شەشىم شىعاردى. الايدا، سارىلار بۇل شەشىمگە تاعى دا قارسىلىق ءبىلدىرىپ، كەزەكتى مارتە اۋقىمدى شەرۋ ۇيىمداستىردى. ەلدىڭ پرەمەر-ءمينيسترى ەدۋار ءفيليپپتىڭ ايتۋىنشا، جەرگىلىكتى بيلىك نارازى توپ جينالاتىن الاڭعا الدىن-الا توقسان مىڭنان استام ءتارتىپ ساقشىلارىن ورنالاستىرعان.

ايتا كەتەيىك، سالىقتىڭ كوتەرىلۋى مەن قىمباتشىلىققا قارسى ۇيىمداستىرىلعان شەرۋ ءۇش اپتاعا سوزىلدى. وتكەن اپتادا شەرۋدىڭ سوڭى تارتىپسىزدىككە ۇلاسىپ، قاقتىعىس سالدارىنان 130 ادام جارالانعان. وقيعادان سوڭ پاريجدەگى سالتانات قاقپاسى اۋدانىندا پوليتسيا جانارماي سالىعىن كوبەيتۋگە قارسىلىق ءبىلدىرىپ شەرۋگە شىققان نارازىلاردى توقتاتۋ ءۇشىن پيروتەحنيكالىق گراناتتار قولدانعان. ساراپشىلار شەرۋدەن كەلگەن شىعىن شامامەن 3 ميلليون ەۋرو بولاتىنىن ايتادى.

"The Qazaq Times"