لۋكاشەنكو: ءبىزدىڭ وداقتاسىمىز دا، باسەكەلەسىمىز دە رەسەي (ۆيدەو)

الەكساندر لۋكاشەنكو: «ءبىزدىڭ وداقتاسىمىز دا، باسەكەلەسىمىز دە رەسەي» - دەپ مادىمدەدى

6 جەلتوقسان كۇنى رەسەيدىڭ سانكت-پەتەربۋرگ قالاسىندا ەۋرازيالىق ەكونوميكالىق وداق ءسامميتى ءوتتى. سامميتكە وداققا مۇشە قازاقستان، قىرعىزستان، رەسەي، بەلارۋس جانە ارمەنيا ەلدەرىنىڭ مەملەكەت باسشىلارى قاتىستى.

باس قوسۋ بارىسىندا بەلارۋس پرەزيدەنتى الەكساندر لۋكاشەنكو ەۋرازيالىق ەكونوميكالىق وداق جۇمىسىنا قاتىستى پىكىر ءبىلدىردى.

«مەن ءبىزدىڭ وداعىمىزداعى تەڭدىك جونىندە ءبىر مىسال كەلتىرگىم كەلەدى. ءدال قازىر گازپروم بەلارۋسكە گاز تاسىمالداعانى ءۇشىن 1 مىڭ شارشى مەتر گازعا 3 دوللاردان الادى. ال رەسەيدىڭ ءوز ىشىندەگى تاريف 1 دوللاردى قۇرايدى. بەلارۋسكە كەلەتىن گاز باعاسى ءۇش ەسە قىمبات... وكىنىشكە نەمەسە قۋانىشقا وراي ءبىزدىڭ وداقتاسىمىز فرگ ەمەس، رەسەي فەدەراتسياسى. ءبىزدىڭ نەگىزگى وداقتاسىمىز دا، باسەكەلەسىمىز دە رەسەيلىكتەر. بارلىعى ايتادى، ءبىزدى بەلارۋس، ماز سياقتى ونىمدەر شىعارادى دەپ. بىراق سىزدەر جاقسى بىلەسىزدەر، وسى ونىمدەردىڭ 60 پايىزى رەسەيدەن الىنادى. سول سەبەپتى ءبىزدىڭ نەگىزگى ارىپتەسىمىز رەسەي فەدەراتسياسى. بىزگە ەڭ ماڭىزدىسى باۋىرلاس رەسەيدىڭ بەلارۋسپەن تەڭ دارەجەدە قارىم-قاتىناس ورناتۋى» - دەپ مالىمدەدى لۋكاشەنكو.

بىراق كەيىننەن لۋكاشەنكو ءوزىنىڭ كوپشىلىك الدىندا پىكىر تالاستىرعانى ءۇشىن رەسەي پرەزيدەنتى ۆلاديمير پۋتيننەن كەشىرىم سۇرادى.

"The Qazaq Times"