پاۆلودار قالاسىنىڭ اكىمدىگى 50 ميلليون تەڭگەگە پاتەر ساتىپ الدى.

كەرەكۋ اكىمدىگىنىڭ قۇنى 50 ميلليون تەڭگەلىك پاتەر ساتىپ العاندىعى جونىندەگى اقپارات مەملەكەتتىك ساتىپ الۋ پورتالىندا جاريالانعان. 2018 جىلى سالىنعان سۋ جا4ا ۇيدە ورنالاسقان ەكى قاباتتى پاتەردىڭ ۇلكەندىگى 200 شارشى مەتر. ءۇيدىڭ ەڭ تومەنگى قاباتىندا اۆتوكولىك تۇراعى بار.

قالا اكىمدىگى 50 ميلليون تەڭگەگە نە ءۇشىن پاتەر ساتىپ العاندىعى ازىرگە بەلگىسىز.  اتالمىش ساۋدا كەلىسىمىنە قاتىستى قۇزىرلى ورگان باسشىلىعى دا ەشقانداي مالىمدەمە جاسامادى.

جالپى، وسىعان دەيىن باق بەتتەرىندە مەملەكەتتىك ورگانداردىڭ قىرۋار قارجى جۇمساپ قىمبات اۆتوكولىكتەر مەن پاتەرلەر ساتىپ العاندىعى جونىندە بىرنەشە مارتە اقپارات تاراعان. بىراق وسى ۋاقىتقا دەيىن ءبىر دە ءبىر مەملەكەتتىك مەكەمە باسشىلىعى حالىق الدىنا شىعىپ ماردىمدى تۇسىنىكتەمە بەرمەگەن.

"The Qazaq Times"