Brexit: بريتانيا ەكونوميكاسى 4%-عا تومەندەيدى

Brexit تۋرالى كەلىسىمشارت بەكىتىلگەن سوڭ، ۇلىبريتانيانىڭ جالپى ىشكى ءونىمى 2030 جىلعا دەيىن 4%-عا تومەندەيدى.

زەرتتەۋلەر بويىنشا، پايىزدىق تومەندەۋدىڭ جىل سايىنعى سوماسى 100 ميلليارد دوللار ەكەندىگى انىقتالدى. ەگەر بريتانيا ەۋروپالىق وداق قۇرامىنان تۇماندى البيون ۇيىمىنىڭ كەلىسىمىنسىز شىقسا، شىعىن ارتا تۇسەدى. پرەمەر-مينيستر تەرەزا مەي قاۋىمدار پالاتاسىن شارتتى قولداۋعا شاقىردى. ونىڭ ايتۋىنشا، كەلىسىم حالىق مۇددەسىنە تولىق ساي كەلەدى. الايدا، وپپوزيتسيا بۇل كەلىسىم ۇلتتىق مۇددەگە قايشى دەپ ونى كەرى قايتارۋدى تالاپ ەتىپ وتىر. بۇعان قاتىستى پرەمەر-ءمينيسترى تەرەزا مەي: «ۇلىبريتانيانىڭ ەۋرووداقتان شىعۋ جونىندەگى كەلىسىمشارتى وتە ماڭىزدى. سول سەبەپتى پارلامەنت بريتانيانىڭ بولاشاعى ءۇشىن بۇل جوبانى قولداۋى ءتيىس. ەگەر دە قۇجات قابىلدانباسا، ونىڭ سالدارى قانداي بولاتىنىن ايتۋ وتە قيىن»، – دەپ مالىمدەدى. ال Brexit جوسپارىن و باستان سىنعا العان وپپوزيتسيا جەتەكشىسى دجەرەمي كوربين: «ءبىز ءدال وسى ۇكىمەتتىڭ تۇسىندا قاتتى قۇلدىرادىق. مەي ۇكىمەتى ۇسىنعان مىنا شارت كەلەشەككە دەگەن سەنىمدىلىككە نۇقسان كەلتىرەدى. پارلامەنتتىڭ ودان باس تارتۋدان باسقا امالى جوق. سەبەبى، قۇجات ەل مۇددەسىن قورعاۋعا ارنالماعان»، – دەيدى. بىرىككەن كورولدىكتىڭ تاۋەلسىزدىك پارتياسىنىڭ بۇرىنعى باسشىسى (UKIP) نايدجەل فارادج: «مەنىڭ ويىمشا، بۇل تاريحتاعى ەڭ ناشار مامىلە. ءبىز باسقانى دا، ءوز-ءوزىمىزدى دە جەڭگەن ەل رەتىندە قالىپتاستىق. وسى ۇستانىمدى ساقتاپ قالۋ كەرەك. ەگەر دۇرىس شەشىم قابىلدانباسا، مينيسترلەر كابينەتىنىڭ مۇشەلەرى جاپپاي وتستاۆكاعا كەتكەنى ءجون بولار»،– دەگەن.

ايتا كەتەيىك، ەۋروپالىق وداق Brexit-كە قاتىستى قۇجاتتى بەكىتتى. ەندى ونى ۇلىبريتانيا پارلامەنتى قاراۋى ءتيىس. نەگىزگى شارت بويىنشا، قوس تاراپ وسى ايدىڭ سوڭىنا دەيىن بىتىمگە كەلسە، بريتانيا رەسمي تۇردە ەو-دان 29 ناۋرىزدا شىعادى.

"The Qazaq Times"