ۇلىبريتانيا ەكونوميكالىق داعدارىسقا ۇشىراۋى مۇمكىن

بىرىككەن كورولدىكتىڭ ەۋروپالىق وداقتان ساۋدا كەلىسىمىنسىز شىعۋى بريتانيا دەنساۋلىق ساقتاۋ جۇيەسىندەگى داعدارىستىڭ شيەلەنىسۋىنە اكەلۋى مۇمكىن.

The Times گازەتى جاريالاعان بريتاندىق دەنساۋلىق ساقتاۋ سالاسى باسشىلارىنىڭ حاتىندا، ۇجىمدىق ۇندەۋدە «ەو-مەن ورتاق مامىلەنىڭ بولماۋى – ۇلىبريتانيا مەن ەۋروپاداعى پاتسيەنتتەردىڭ دەنساۋلىعىنا قاۋىپ توندىرەدى. ءدارى-دارمەك جەتىسپەۋشىلىگى، سونداي-اق كوروناۆيرۋسقا تەست جۇرگىزۋ مۇمكىندىگىنىڭ تومەندەۋى ىقيمال»، – دەلىنگەن.

ۇلىبريتانيا ۇلتتىق دەنساۋلىق ساقتاۋ كونفەدەراتسياسىنىڭ اتقارۋشى ديرەكتورى نايل ديكسوننىڭ ايتۋىنشا، تاراپتاردىڭ ءبىر كەلىسىمگە كەلۋىنە 3 اپتاداي ۋاقىت بار. ەگەر مامىلە جۇزەگە اسپاسا، بريتانيادا كوروناۆيرۋستىڭ ەكىنشى تولقىنى حالىققا دا، ەكونوميكاعا دا اۋىر سوققى بولۋ قاۋپى بار.

بريتان ۇكىمەتى بۇعان دەيىن فارماتسەۆتيكالىق كومپانيالاردى ەۋروپالىق وداق ەلدەرىنەن كەلەتىن ءدارى-دارمەكتەر قورىن جيناقتاۋا شاقىرعان. Brexit جاعدايىندا كوروناۆيرۋستى تەستىلەۋ باعدارلاماسىندا قولدانىلاتىن كومپونەنتتەر دە بۇزىلۋى مۇمكىن.

"The Qazaq Times"