مۇحتار ءابىليازوۆ سىرتتاي ءومىر بويىنا باس بوستاندىعىنان ايىرۋ جازاسىنا كەسىلدى

مۇحتار ءابىليازوۆ سىرتتاي ءومىر بويىنا باس بوستاندىعىنان ايىرۋ جازاسىنا كەسىلدى.

جامبىل وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتى بانكير ەرجان تاتىشەۆتىڭ ولىمىنە قاتىسى بار دەپ ايىپتالعان مۇحتار ءابىليازوۆتى سىرتتاي ءومىر بويىنا باس بوستاندىعىنان ايىرۋ جازاسىنا كەستى.

پروكۋرور ءىلياس ەسقاليەۆ 22 قاراشادا وتكەن سوت وتىرىسىندا ءابىليازوۆتىڭ تاتىشەۆ ولىمىنە قاتىسى بار ەكەندىگى تولىقتاي دالەلدەنگەن ايتىپ، سوتتان ايىپتالۋشىنى ومىرلىك تۇرمە جازاسىنا كەسۋدى سۇراعان. ءابىليازوۆتىڭ مەملەكەت تاعايىنداعان قورعاۋشىسى جانار قيسىقوۆا ونىڭ كىنالى ەكەندىگىنە دالەلدىڭ جەتكىلىكسىز ەكەندىگىن مالىمدەگەن.

بانكير ەرجان تاتىشەۆ 2004 جىلى اڭشىلىقتا جۇرگەندە وق ءتيىپ كوز جۇمعان. كەيىننەن سوت بۇنى جازاتايىم وقيعا دەپ باعالاپ، بانكيردىڭ قاسىندا بولعان كاسىپكەر مۇراتحان توقماديدى ءبىر جىلعا سوتتاعان. بىراق 2017 جىلى تاتىشەۆ ءىسى قايتا قارالىپ، توقمادي «تاتىشەۆتى مۇحتار ءابىليازوۆتىڭ تاپسىرىسى بويىنشا ءولتىردىم» - دەپ مالىمدەگەن. توقماديدىڭ ءوزى سوت شەشىمى بويىنشا ون جىل التى ايعا باس بوستاندىعىنان ايىرىلۋ جازاسىنا كەسىلگەن.

مۇحتار ءابىليازوۆ وزىنە تاعىلعان ايىپتاردىڭ بارلىعىنىڭ ساياسي استارى بار دەپ ەسەپتەيدى. ونى وسىعان دەيىن قازاقستان سوتى «اسا ءىرى كولەمدە قارجى جىمقىردى» جانە «ۇيىمداسقان قىلمىستىق توپ قۇردى» ايىپتاپ، سىرتتاي 20 جىلعا سوتتاعان.

"The Qazaq Times"