مۇحاممەد بين سالمان نەمىس قوعامىنداعى ءوز بەدەلىن جاقسارتۋ ءۇشىن گەرمانيا فەدەرالدى رەسپۋبليكاسىنىڭ WMP ءيميدجدى جاقسارتۋ كومپانياسىنىڭ قىزمەتىنە جۇگىنگەن. بۇل تۋرالى Bild am Sonntag باسىلىمى مالىمدەپ وتىر.
ءباسپاسوز قىزمەتىنىڭ مالىمەتى بويىنشا، اتالعان كومپانيامەن كەلىسىم 2015 جىلى باستالعان. وندا مۇحاممەد بين سالمان ساپالى رەفورماتور رەتىندە حالىقتىڭ ەسىندە قالۋى ءتيىس ەدى. الايدا، جاقىن ۋاقىتتا جۋرناليست جامال حاشوگگيدىڭ قازاسىنان كەيىن، ونىڭ تاريحي مانسابىندا "قولى قانعا بويالعان تاق مۇراگەرى" دەگەن جاڭا لاقاپ ات ەنگەن بولاتىن.
سونىمەن بىرگە، WMP كومپانياسى مەن ەر-رياد اراسىنداعى كەلىسىم قۇنى ءجۇز مىڭ ەۋرودان اساتىنى دا گازەت بەتىنە جاريالانعان.
WMP ءيميدجدى كومپانياسى تاق مۇراگەرىنىڭ ابىرويىن ارتتىرۋ ءۇشىن جۋرناليستيكا، ساياسات جانە گەرمانيانىڭ سپورتتىق ايماقتارىندا بەلسەندى تۇردە جۇمىستار اتقارىپ كەلگەن. الايدا، ءبىر وقيعادان كەيىن ونىڭ تەك وپپوزيتسيالىق جاقتاسىن ايۋاندىلىقپەن اجال قۇشتىرعانى عانا ەمەس، سونىمەن قاتار حانزادانىڭ ارقاسىندا كوپتەگەن بالالار اشتىقتىڭ زاردابىن شەككەندىگى دە اشكەرە بولىپ وتىر. قازىرگى تاڭدا ساۋد ارابيا بيلىگى تاق مۇراگەرىن تەز ارادا اۋىستىرۋ جۇمىستارىمەن اينالىسۋدا.
ەستەرىڭىزگە سالا كەتەيىك، جامال حاشوگگي 2 قازاندا ىستامبۇلداعى ساۋد ارابيا كونسۋلدىعىندا ءىزىم-عايىم جوعالىپ كەتكەن. بىرنەشە كۇننەن سوڭ مارقۇمنىڭ دەنە بولشەكتەرى قالا ماڭىنان تابىلدى. وتكەن اپتادا ساۋد ارابياسى حاشوگگيدى كونسۋلدىقتا «قىلقىندىرىپ ولتىرگەنىن» مويىنداپ، حالىقارالىق قاۋىمداستىقتىڭ قاتاڭ سىنىنا ۇشىرادى. بۇل تاراپ «حاشوگگي ىسىنە» قاتىسى بار ون سەگىز ادامدى تۇتقىنعا الدى جانە جوعارى شەندى بەس كەڭەسشىنى لاۋازىمىنان ايىردى. سونداي-اق، تاق مۇراگەرى مۇحاممەد سالماننىڭ دا ورىنىن بوساتۋى ابدەن مۇمكىن.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى