اقش – قىتاي ساۋدا سوعىسى شيەلەنىسە ءتۇستى

اقش پەن قىتاي اراسىنداعى ساۋدا سوعىسى شيەلەنىسە ءتۇستى. بۇگىن
رەسمي ۋاشينگتون قىتايدان تاسىمالداناتىن تاۋارلارعا ءتاريفتى 25%-عا دەيىن ارتتىراتىنىن حابارلادى.

امەريكانىڭ ساۋدا ءمينيسترى ۋيلبۋر روسس «Bloomberg» اگەنتتىگىنە بەرگەن سۇحباتىندا قاڭتاردا قىتايلىق تاۋارلارعا قاراستى تاريفتەر پايىزىنىڭ ارتىپ، «بۇل ەلدىڭ وسى ۋاقىتقا دەيىنگى جاسىرىن، رەسەيمەن بايلانىس جانە ادام قۇقىقتارىن تاپتاۋ سىندى ارەكەتتەرىنە قارسى» باعىتتالاتىنىن ايتتى. وسىعان دەيىن اق ۇيدەگى ەكونوميكالىق كەڭەستىڭ توراعاسى كەۆين حاسسەت «قىتايدىڭ ءىس-ارەكەتى دۇنيەجۇزىلىك ساۋدا ۇيىمىنا مۇشەسى بولۋعا لايىق ەمەستىگىن كورسەتتى. سوندىقتان ونى مۇشەلىكتەن شىعارىپ تاستاۋدى قاراستىرۋ كەرەك»، – دەگەن بولاتىن. ال قحر ءسىم وكىلى گەن شۋان: «دسۇ – جان-جاقتى قۇرىلىم، سول سەبەپتى بۇل پىكىر دۇرىس ەمەس دەپ ەسەپتەيمىز»، – دەپ جاۋاپ بەرگەن.

الداعى ۋاقىتتا قىتاي تاراپى ەكونوميكالىق جاعدايعا سوققى بولعان ماسەلەگە قاتىستى امەريكامەن ماڭىزدى كەزدەسۋ وتكىزۋگە بەكىنىپ وتىر. ترامپ پەن شي ءجيڭپيڭنىڭ كەزدەسۋى ارگەنتينادا ۇيىمداستىرىلاتىن ۇلكەن جيىرمالىقتىڭ سامميتىندە جوسپارلانعان. بۇعان قاتىستى اق ءۇي باسشىسى: «ساۋدا سوعىسى مەن قاراما-قايشىلىقتاردا ۋاقىتشا جاعدايلار بولمايدى. مەنىڭ ۇعىمىمدا قىسقالىق جوق. شەكسىزدىك بار. قىتاي ساۋدا تەكەتىرەسىندە ءوزارا كەلىسىم ورناتۋعا مۇددەلى. جاعدايدىڭ قالاي ءوربيتىنىن الدا كورە جاتارمىز»، – دەگەن.

"The Qazaq Times"