Foto: static.atimes.com

AQŞ pen Qıtay arasındağı sauda soğısı şielenise tüsti. Bügin
resmi Uaşington Qıtaydan tasımaldanatın tauarlarğa tarifti 25%-ğa deyin arttıratının habarladı.

Amerikanıñ sauda ministri Uilbur Ross «Bloomberg» agenttigine bergen swhbatında qañtarda qıtaylıq tauarlarğa qarastı tarifter payızınıñ artıp, «bwl eldiñ osı uaqıtqa deyingi jasırın, Reseymen baylanıs jäne adam qwqıqtarın taptau sındı äreketterine qarsı» bağıttalatının ayttı. Osığan deyin Aq üydegi ekonomikalıq keñestiñ törağası Kevin Hasset «Qıtaydıñ is-äreketi düniejüzilik sauda wyımına müşesi boluğa layıq emestigin körsetti. Sondıqtan onı müşelikten şığarıp tastaudı qarastıru kerek», – degen bolatın. Al QHR SİM ökili Gen Şuan: «DSW – jan-jaqtı qwrılım, sol sebepti bwl pikir dwrıs emes dep esepteymiz», – dep jauap bergen.

Aldağı uaqıtta Qıtay tarapı ekonomikalıq jağdayğa soqqı bolğan mäselege qatıstı Amerikamen mañızdı kezdesu ötkizuge bekinip otır. Tramp pen Şi Jiñpiñniñ kezdesui Argentinada wyımdastırılatın ülken jiırmalıqtıñ sammitinde josparlanğan. Bwğan qatıstı Aq üy basşısı: «Sauda soğısı men qarama-qayşılıqtarda uaqıtşa jağdaylar bolmaydı. Meniñ wğımımda qısqalıq joq. Şeksizdik bar. Qıtay sauda teketiresinde özara kelisim ornatuğa müddeli. Jağdaydıñ qalay örbitinin alda köre jatarmız», – degen.

"The Qazaq Times"