تاجىكستان الەمنىڭ 124 ەلى ىشىندە ينتەرنەت جىلدامدىعى ەڭ ناشار ەل بولىپ تانىلدى. Ookla كومپانياسى ازىرلەگەن «Speedtest Global Index» رەيتينگى بويىنشا، تاجىكستان ەڭ سوڭعى ورىندا.

رەيتينگتە تاجىكستان اۋعانستان، يراك، الجير جانە ۆەنەسۋەلا ەلدەرىمەن ءبىر ساتىعا جايعاسقان. ورتالىق ازيا ەلدەرى ىشىندە ءموبيلدى ينتەرنەت جىلدامدىعى جاعىنان قازاقستان - 74, قىرعىزستان – 94, وزبەكستان 110-ورىندا.

سونىمەن قاتار Ookla كومپانياسى جەلىلىك ينتەرنەت جىلدامدىعى بويىنشا دا رەيتينگ جاساعان. بۇل تىزىمگە تاجىكستان مۇلدە كىرمەي قالعان. ال قازاقستان مۇندا 58-ورىندا بولسا، قىرعىزستان - 79, وزبەكستان 112 ورىنعا ءتۇسىپ قالعان.

ەكى اپتا بۇرىن تاجىكستاندا «Facebook»، «ودنوكلاسسنيكي» الەۋمەتتىك جەلىلەرى مەن «Youtube» پورتالى بۇعاتتالعان. سونىمەن بىرگە بيلىك «Viber»، «What's App» جانە «Telegram» حات الماسۋ قۇرالدارىنا شەكتەۋ قويعان.

تاجىكستاندا بيىل "تەرروريزممەن كۇرەس جونىندە" زاڭ جوباسى قابىلداندى. زاڭعا سايكەس، قۇقىق قورعاۋ ورگاندارى وكىلدەرىنە تەلەفون بايلانىستارىن، ينتەرنەتتى شەكتەۋگە قۇزىرەت بەرىلدى. وسىدان ءبىراز ۋاقىت بۇرىن قازاقستان ۇكىمەتى دە ءدال وسىعان ۇقساس قاۋلى شىعارعان. وندا توتەنشە جاعدايلار كەزىندە ءىىم، باس پروكۋراتۋرا، ۇقك جانە قورعانىس مينيسترلىگىنە عالامتاردى بۇعاتتاۋعا قۇقىق بەرۋ قاراستىرىلعان.

"The Qazaq Times"