ورتالىق ازيا ەلدەرى باسشىلارى تاشكەنتتە باس قوسپاق.

اقوردا ءباسپاسوز قىزمەتىنىڭ مالىمەتىنشە، نۇرسۇلتان نازارباەۆ وزبەكستان پرەزيدەنتى شاۆكات ميرزيەەۆپەن تەلەفون ارقىلى تىلدەسكەن. سويلەسۋ بارىسىندا قوس تاراپ ورتالىق ازيا ەلدەرى باسشىلارىنىڭ ءسامميتىن كەلەسى جىلى تاشكەنت قالاسىندا وتكىزۋگە ۋاعدالاسقان جانە ەكىجاقتىق قارىم-قاتىناس، ساۋدا-ساتتىق جانە ەكونوميكالىق بايلانىستى ودان ارى نىعايتۋعا بايلانىستى كەلىسسوزدەر جۇرگىزگەن.

ەستەرىڭىزگە سالايىق، بۇعان دەيىنگى ورتالىق ازيا ەلدەرى باسشىلارىنىڭ ءسامميتى ناۋرىز ايىندا استانا قالاسىندا وتكەن. ايماق پرەزيدەنتتەرىنىڭ كەڭەسۋ وتىرىسىن وتكىزۋگە بايلانىستى باستامانى بۇۇ باس اسسامبلەياسىنىڭ 72 وتىرىسىندا شاۆكات ميرزيەەۆ كوتەرگەن. كەيىننەن ونىڭ بۇل ۇسىنىسىن قازاقستان پرەزيدەنتى نۇرسۇلتان نازارباەۆ قولداعان.

"The Qazaq Times"