فوتو: گازەتا.رۋ

«يسلام مەملەكەتى» تەررورلىق ۇيىمى تاجىكستان تۇرمەسىندە بولعان قاندى قىرعىندى ءوز موينىنا الدى.

«يسلام مەملەكەتى» لاڭكەستىك ۇيىمى وزىنە قاراستى «Amaq» اقپارات اگەنتتىگى ارقىلى تاجىكستان تۇرمەسىندە بولعان قاندى قىرعىندى ۇيىمعا مۇشە سودىردىڭ جاساعاندىعىن مويىندادى.

ەستەرىڭىزگە سالايىق، 8 قاراشا كۇنى تاجىكستاننىڭ سوگدي وبلىسىنا قاراستى حۋدجاند قالاسىندا ورنالاسقان №3 تۇزەتۋ مەكەمەسىندە قارۋلى بۇلىك بولىپ، 25 ادام كوز جۇمعان. كەيىننەن باق بەتتەرىندە «بۇلىكتى «يسلام مەملەكەتى» تەررورلىق ۇيىمىنىڭ قۇرامىندا بولعان سوتتالۋشى ۇيىمداستىردى» دەگەن اقپارات تارعان. بولجام بويىنشا، جازاسىن وتەۋشى كۇزەتشى قارۋىن تارتىپ الىپ، تۇرمە اكىمشىلىگىنە قاراتا وق جاۋدىرعان.

ايتا كەتەتىن ءبىر جايىت، قازاقستان تۇزەتۋ مەكەمەلەرىندە دە «يسلام مەملەكەتى» سياقتى تەررورلىق ۇيىمداردىڭ قۇرامىندا بولعان جازاسىن وتەۋشىلەر جەتىپ ارتىلادى. وسى ۋاقىتقا دەيىن ساراپشىلار مەن تاۋەلسىز جۋرناليستەر قاۋىمى ەل بيلىگىنەن اتالمىش كاتەگورياعا جاتاتىن سوتتالۋشىلاردى بولەك كامەرالارعا ۇستاۋ قاجەت ەكەندىگىن ايتقان. ويتكەنى سوڭعى ۋاقىتتارى تەررورلىق ۇيىم مۇشەلەرىنىڭ تۇرمەگە ارنايىلاپ بارىپ، وزگە جازاسىن وتەۋشىلەر اراسىندا تەرىس اعىمداعى ءدىني ۋاعىزداردى ناسيحاتتاۋ فاكتىلەرى جيىلەي تۇسكەن.

"The Qazaq Times"