جاڭا كالەدونيا ايماعىندا فرانتسيادان ءبولىنىپ شىعۋ تۋرالى رەفەرەندۋم وتكەن سوڭ، جاپپاي تۇراقسىزدىق ورىن الدى.
تىنىق مۇحيتىندا ورنالاسقان ايماق استاناسى نۋمەا قالاسىنىڭ ورتالىعىندا جەرگىلىكتى تۇرعىندار قارسىلىق اكتسياسىن وتكىزىپ، ونشاقتى كولىكتى جاعىپ جىبەرگەن. قاقتىعىس سالدارى ءالى دە زەرتتەلىپ جاتىر.
كەشە وتكەن رەفەرەندۋم بارىسىندا جاڭا كالەدونيانىڭ دەربەستىگى تالقىلانعان بولاتىن. وعان پرەمەر-مينيستر مەن تەڭىزدەگى اۋماقتار ءىسى جونىندەگى ءمينيسترى قاتىستى. سايلاۋ الدىندا فرانتسيا پرەزيدەنتى ەممانۋەل ماكرون رەفەرەندۋم وتكىزۋ كەزىندە ۇكىمەت تاراپى بەيتاراپ كوزقاراس تانىتاتىنىن جانە داۋىس بەرۋگە حالىقارالىق باقىلاۋشىلاردىڭ قاتىسۋىنا رۇقسات بەرەتىنىن ايتقان. رەفەرەندۋمعا قاتىسقان 80% cايلاۋشىلاردىڭ 57%-ى فرانتسيانىڭ قۇرامىندا قالۋدى قولداعان. الايدا، ساياسي شارا الدىنداعى ساۋالناما ناتيجەسىندە تۇرعىنداردىڭ 70%-ى بەسىنشى رەسپۋبليكادان ەگەمەندىك الۋدى قالاعان. سوندىقتان ساراپشىلار مۇنداي جايت ارالدى ايماقتا كەلەشەكتە رەفرەندۋمدى قايتا وتكىزۋگە نەگىز بولۋى مۇمكىن دەيدى. الداعى ۋاقىتتا فرانتسيا بيلىگى جاڭا كالەدونيانىڭ بارلىق ساياسي كۇشتەرىمەن رەسمي كەزدەسۋ وتكىزبەك.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى