Foto: media.tvzvezda.ru

Jaña Kaledoniya aymağında Franciyadan bölinip şığu turalı referendum ötken soñ, jappay twraqsızdıq orın aldı.

Tınıq mwhitında ornalasqan aymaq astanası Numea qalasınıñ ortalığında jergilikti twrğındar qarsılıq akciyasın ötkizip, onşaqtı kölikti jağıp jibergen. Qaqtığıs saldarı äli de zerttelip jatır.

Keşe ötken referendum barısında Jaña Kaledoniyanıñ derbestigi talqılanğan bolatın. Oğan prem'er-ministr men teñizdegi aumaqtar isi jönindegi ministri qatıstı. Saylau aldında Franciya prezidenti Emmanuel' Makron referendum ötkizu kezinde ükimet tarapı beytarap közqaras tanıtatının jäne dauıs beruge halıqaralıq baqılauşılardıñ qatısuına rwqsat beretinin aytqan. Referendumğa qatısqan 80% caylauşılardıñ 57%-ı Franciyanıñ qwramında qaludı qoldağan. Alayda, sayasi şara aldındağı saualnama nätijesinde twrğındardıñ 70%-ı besinşi respublikadan egemendik aludı qalağan. Sondıqtan sarapşılar mwnday jayt araldı aymaqta keleşekte refrendumdı qayta ötkizuge negiz boluı mümkin deydi. Aldağı uaqıtta Franciya biligi Jaña Kaledoniyanıñ barlıq sayasi küşterimen resmi kezdesu ötkizbek.

"The Qazaq Times"