كەشە الماتى قالاسىنداعى «الاتاۋ» ءداستۇرلى ونەر تەاترىندا قازاقستانعا بەلگىلى ەسترادا جۇلدىزدارى اققۋ مەن گۇلنازدىڭ «جىرلايمىن دالام، وتانىم – انام» اتتى ونەر كەشى ءوتتى.

ونەر كەشىندە اققۋ مەن گۇلنازدىڭ ءوز تۋىندىلارى، رەپەرتۋارىنداعى ليريكالى سازدى اندەرمەن قوسا، تۋعان جەر، وتان تاقىرىبىنداعى پاتريوتتىق ونەر تۋىندىلارىمەن ونەر سۇيەر قاۋىمعا شاشۋ شاشتى.

شىعارماشىلىق كەشتە قر ەڭبەك سىڭىرگەن قايراتكەرى سەكەن تۇرىسبەكوۆ، ەلىمىزگە بەلگىلى ەسترادا جۇلدىزدارى قاراكوز تىلەۋبەكوۆا، نۇرلان ءالىمجانوۆ، قازىبەك ادىكەي، وتانبەك ەڭسەحان، گۇلباھرام بايبوسىنوۆا، «وتان» توبى،   باسقا دا ونەر جۇلدىزدارى دا كەش يەلەرىنىڭ ونەر تۋىندىلارىن ورىندادى. قازاقستان رەسپۋبليكاسىنىڭ قارۋلى كۇشتەرى ۇلتتىق اسكەري-پاتريوتتىق ورتالىعى ءانسامبلى كونتسەرتتىك شارانى ارلەي ءتۇستى.

اققۋ مەن گۇلناز اتالعان شىعارماشىلىق كەشىن تاۋەلسىز قازاق جۇرتىنا جانە استانانىڭ 20 جىلدىعىنا ارناعان. كونتسەرتتىك شارا، سونداي-اق، قر قورعانىس مينيسترلىگىنىڭ قولداۋىنا دا يە.

“The Qazaq Times”