فوتو: اقوردا

نۇرسۇلتان نازارباەۆ ساۋد ارابيا ىشكى ىستەر مينيسترىمەن كەزدەستى.

اقوردا ءباسپاسوز قىزمەتىنىڭ مالىمەتىنشە، بۇگىن نۇرسۇلتان نازارباەۆ ساۋد ارابيا ءىىم ابدەل ازيز بەن ساۋد بەن نايفپەن كەزدەسكەن. كەزدەسۋ بارىسىندا قوس تاراپ ەكىجاقتىق قارىم-قاتىناستىڭ اۋقىمىن كەڭەيتۋگە بايلانىستى كەلىسسوزدەر جۇرگىزگەن.

بۇدان بولەك نازارباەۆ كەزدەسۋ كەزىندە: «ساۋد ارابياسى ءبىزدىڭ يسلام الەمىندەگى سەنىمدى سەرىكتەسىمىز. ءبىز الداعى ۋاقىتتا ساياسي جانە ەكونوميكالىق قارىم-قاتىناسىمىزدى ودان ارى تەرەڭدەتۋگە مۇددەلىمىز. سوندىقتان مەن ساۋد ارابياسىنىڭ مۇراگەر حانزاداسى مەن كورولى سالماندى قازاقستانعا شاقىردىم» - دەپ مالىمدەدى.

ءوز كەزەگىندە ساۋد ارابيا ءمينيسترى نازارباەۆقا كەزدەسىپ، قابىلداعانى ءۇشىن راحمەت ايتىپ، ءوز ساپارىنىڭ رەسمي ەر-ريادتىڭ تىكەلەي تاپسىرماسى بويىنشا جۇزەگە اسقاندىعىن جەتكىزدى.

"The Qazaq Times"