Фото: Ақорда

Нұрсұлтан Назарбаев Сауд Арабия Ішкі істер министрімен кездесті.

Ақорда баспасөз қызметінің мәліметінше, бүгін Нұрсұлтан Назарбаев Сауд Арабия ІІМ Әбдел Азиз бен Сауд бен Наифпен кездескен. Кездесу барысында қос тарап екіжақтық қарым-қатынастың ауқымын кеңейтуге байланысты келіссөздер жүргізген.

Бұдан бөлек Назарбаев кездесу кезінде: «Сауд Арабиясы біздің Ислам әлеміндегі сенімді серіктесіміз. Біз алдағы уақытта саяси және экономикалық қарым-қатынасымызды одан ары тереңдетуге мүдделіміз. Сондықтан мен Сауд Арабиясының мұрагер ханзадасы мен королі Салманды Қазақстанға шақырдым» - деп мәлімдеді.

Өз кезегінде Сауд Арабия министрі Назарбаевқа кездесіп, қабылдағаны үшін рахмет айтып, өз сапарының ресми Эр-Риядтың тікелей тапсырмасы бойынша жүзеге асқандығын жеткізді.

"The Qazaq Times"