اقش پرەزيدەنتى دونالد ترامپ تىلشىلەرگە سۇحبات بەرۋ بارىسىندا. فوتو: twimg.com

اقش پرەزيدەنتى دونالد ترامپ 2016 جىلعى سايلاۋعا قاتىستى تەرگەۋ جۇمىستارىن جۇرگىزىپ جاتقان پروكۋرور روبەرت ميۋللەردىڭ سۇراقتارىنان ەش قىمسىنبايتىنىن جانە ناقتى جاۋاپ بەرە الاتىنىن ايتتى.  

Fox News تەلەارناسىنا سۇحبات بەرگەن ترامپ امەريكاداعى سايلاۋ كەزىندە رەسەي تاراپىنان «جاقسىلىق كوردى» دەپ ايىپتاعان ميۋللەرمەن بەتپە-بەت كەزدەسىپ، ساۋالدارعا جاۋاپ بەرەمىن دەدى. ءوز سوزىندە ول «ەشقانداي شەشىمگە كيلىكپەگەنىن» ايتتى. ماسكەۋ دە وزگە مەملەكەتتەردەگى سايلاۋ قورىتىندىسىنا قاتىسپايتىنىن جەتكىزىپ، «ميۋللەر تاراتقان ەل اراسىنداعى وسەك-اياڭدى» تۇبەگەيلى جوققا شىعاردى.

وسىعان دەيىن CNN تىلشىلەرى پروكۋرورعا اق ۇيدەگى سايلاۋالدى شتاب قىزمەتكەرلەرى رەسەيلىك اگەنتتىكتەرمەن «اۋىز جالاسىپ»، پرەزيدەنتتىك سايلاۋعا داۋىس جيناعانى تۋرالى ساۋالدار جولداعان بولاتىن. تىلشىلەرگە ميۋللەر اقش پرەزيدەنتىنىڭ ءادىل سوت جۇرگىزۋگە كەدەرگى كەلتىرۋى جانە دونالد ترامپتىڭ سايلاۋالدى شتابىنىڭ كرەملمەن ءسوز بايلاسۋى بويىنشا تەرگەۋ امالدارىن جۇرگىزەتىنىن مالىمدەدى. سونىمەن قاتار، ول اتالعان ماسەلەگە قاتىستى ءىستى جان-جاقتى قاراستىرىپ، كونگرەسكە ارالىق سايلاۋ بىتكەن سوڭ، وسى جىلدىڭ قاراشاسىندا بارلىق دەرەكتەردى جاريا ەتەتىنىن ايتقان.

"The Qazaq Times"