وزبەكستان 2022 جىلدان باستاپ مەتانولدان جوعارى اكتاندى بەنزين وندىرمەك.

جەرگىلىكتى باق وكىلدەرى مالىمەتىنشە، وڭتۇستىك كورەيانىڭ «GS Engineering & Construction Corporation» كومپانياسى وزبەكستاننىڭ «ناۆويازوت» زاۋىتىنىڭ نەگىزىندە مەتانولدان جوعارى اكتاندى بەنزين ءوندىرىسىن باستاماق. اتالمىش ماقساتقا 200 ميلليون دوللار قارجى ءبولۋ قاراستىرىلعان.

جەلتوقسان ايىندا «GS Engineering & Construction Corporation»، «وزبەكحيمپروم» جانە «ناۆويازوت» بىرلەسكەن جوبانى جۇزەگە اسىرۋعا بايلانىستى قۇجاتقا قول قويماق. الدىن الا بولجام بويىنشا، ەگەر جوبا ۋاقىتىندا ىسكە قوسىلاتىن بولسا، وندا وزبەكستان مەتانولدان جىلىنا 104,3 مىڭ توننا بەنزين جانە 14,4 مىڭ توننا پروپان-بۋتان قوسپاسىن وندىرەتىن بولادى.

"The Qazaq Times"