Өзбекстан 2022 жылдан бастап метанолдан жоғары актанды бензин өндірмек.

Жергілікті БАҚ өкілдері мәліметінше, Оңтүстік Кореяның «GS Engineering & Construction Corporation» компаниясы Өзбекстанның «Навоиазот» зауытының негізінде метанолдан жоғары актанды бензин өндірісін бастамақ. Аталмыш мақсатқа 200 миллион доллар қаржы бөлу қарастырылған.

Желтоқсан айында «GS Engineering & Construction Corporation», «Өзбекхимпром» және «Навоиазот» бірлескен жобаны жүзеге асыруға байланысты құжатқа қол қоймақ. Алдын ала болжам бойынша, егер жоба уақытында іске қосылатын болса, онда Өзбекстан метанолдан жылына 104,3 мың тонна бензин және 14,4 мың тонна пропан-бутан қоспасын өндіретін болады.

"The Qazaq Times"