نۇرسۇلتان نازارباەۆ 2020 جىلى وتەتىن پرەزيدەنت سايلاۋىنا بايلانىستى پىكىر ءبىلدىردى.

نازارباەۆتىڭ فينلياندياعا ساپارى كەزىندە وتكەن ءباسپاسوز ءماسليحاتىندا جەرگىلىكتى باق وكىلدەرىنىڭ سۇراقتارىنا جاۋاپ بەردى. بريفينگ كەزىندە زالعا جينالعان جۋرناليستەردىڭ ءبىرى قازاقستان پرەزيدەنتىنە:«ءسىز 2020 جىلى وتەتىن پرەزيدەنت سايلاۋىنا قاتىساسىز با؟» دەگەن سۇراق قويدى.

ءوز كەزەگىندە نۇرسۇلتان نازارباەۆ بۇل سۇراقتىڭ وعان سوڭعى ۋاقىتتارى ءجيى قويىلاتىنىن ايتا كەلە، «مەنىڭ تۇڭعىش پرەزيدەنت رەتىندە، قازىرگى قازاقستاننىڭ نەگىزىن قالاۋشى ادام رەتىندە پرەزيدەنت سايلاۋىنا قاتىسۋعا كونستيتۋتسيالىق  قۇقىعىم بار. مەن بۇنداي شەشىمدى كەلەسى جىلى نەمەسە 2020 جىلى قابىلدايتىن شىعارمىن. سىزدەر بۇل سۇراقتىڭ جاۋابىن سول كەزدە بىلەسىزدەر» - دەپ مالىمدەدى.

قازاقستاندا زاڭ بويىنشا پرەزيدەنت سايلاۋى 2020 جىلى وتەدى. بىراق تاۋەلسىز قازاقستان تاريحىندا پرەزيدەنت سايلاۋى ءبىر دە ءبىر رەت ۋاقىتىندا وتكەن ەمەس. نازارباەۆ وسىعان دەيىن پرەزيدەنت سايلاۋلارىنىڭ بارلىعىندا جەڭىسكە جەتكەن.

"The Qazaq Times"