فوتو: politnavigator.net

رەسەي پرەزيدەنتى ۆلاديمير پۋتين ۋكرايناعا سانكتسيا سالۋعا بايلانىستى قۇجاتقا قول قويدى.

كرەمل ءباسپاسوز قىزمەتىنىڭ مالىمەتىنشە، قازان ايىنىڭ 22-ءى كۇنى ۆلاديمير پۋتين ۋكرايناعا سانكتسيا سالۋعا قاتىستى بۇيرىققا قول قويعان. رەسمي ماسكەۋ تاراتقان اقپارات بويىنشا، رەسەيدىڭ ۋكرايناعا سانكتسيا سالۋىنا كيەۆتىڭ رەسەي فەدەراتسياسىنىڭ ازاماتتارى مەن زاڭدى تۇلعالارىنا قارسى قولدانعان ءىس-ارەكەتتەرى سەبەپ بولعان.

سانكتسيالىق ءتىزىم پرەزيدەنت قول قويعان ساتتەن باستاپ كۇشىنە ەنەدى. ال ول تىزىمگە كىمدەردىڭ ەنەتىنىن رەسەيدىڭ ۇكىمەت مۇشەلەرى انىقتايتىن بولادى. سانكتسيا ءوز كۇشىن ۋكراينا بيلىگى رەسەي ازاماتتارىنا قارسى قولدانىپ جاتقان ءىس-ارەكەتتەرىن توقتاتقان كۇنى جويادى.

ايتا كەتەتىن ءبىر جايت، بۇعان دەيىن قىركۇيەك ايىندا ۋكراينا بيلىگى «لنر-مەن» قاتىسى بار بىرقاتار رەسەيلىك كومپانيالار مەن ازاماتتىق تۇلعالارعا سانكتسيا سالعان.

"The Qazaq Times"