رەسەي پرەزيدەنتى ۆلاديمير پۋتين.

رەسەي پرەزيدەنتى ۆلاديمير پۋتين يادرولىق سوعىسقا قاتىستى پىكىر ءبولدىردى. 

"روسسيا-24" تەلەارناسىنىڭ مالىمەتىنشە، ۆلاديمير پۋتين سوچي قالاسىندا وتكەن «ۆالداي» پىكىرتالاس كلۋبىنىڭ وتىرىسىندا يادرولىق سوعىسقا قاتىستى پىكىر بىلدىرگەن.

ول وندا: «ءبىزدىڭ يادرولىق قارۋدى پايدالانۋىمىزدا ءبىرىنشى بولىپ سوققى جاساۋ كونتسەپتسياسى جوق. ەگەر قانداي دا ءبىر ارانداتۋشى رەسەيگە يادرولىق شابۋىل جاسايتىن بولسا، ءبىز وعان مىندەتتى تۇردە جاۋاپ بەرەمىز. ارانداتۋشى ءوزىنىڭ جازاسىز قالمايتىنىن، كوزىنىڭ جويىلاتىنىن ءبىلۋى ءتيىس. ءبىز ارانداتۋشىنىڭ قۇربانى رەتىندە جۇماققا بارامىز. ال ولار ولەدى» - دەپ مالىمدەدى.

ايتا كەتەتىن ءبىر جايت، رەسەي فەدەراتسياسىنىڭ اسكەري دوكتريناسىنىڭ 24 بولىمىندە: «رەسەي وزىنە جانە وداقتاستارىنا قارسى يادرولىق قارۋ قولدانعان ارانداتۋشا ەلگە ءدال سولاي جاۋاپ بەرۋگە جانە رەسەيدىڭ مەملەكەتتىگىنە قاۋىپ توندىرەتىن كەز كەلگەن جاعدايدا يادرولىق قارۋ قولدانۋعا قۇقىلى» دەلىنگەن.

"The Qazaq Times"