تۇركيا مەن رەسەي اراسىنداعى كەلىسىم اياقتالدى. بۇدان ارى نە بولماق؟

قازان ايىنىڭ 15-ءى كۇنى رەسمي انكارا مەن ماسكەۋدىڭ ءسۇريا ماسەلەسىنە قاتىستى كەلىسىمى اياقتالدى. قۇجات بويىنشا، تۇركيا كەلىسىم اياقتالعاننان كەيىن ءسۇريانىڭ يدليب اۋماعىنان ءوز اسكەرىن شىعارىپ، وپپوزيتسيالىق توپتار مەن تەررورلىق ۇيىم مۇشەلەرىن ەكىگە ءبولىپ قارۋسىزداندىرۋى ءتيىس بولعان.

قازىرگى تاڭدا رەسمي انكارا كەلىسىمنىڭ ءبىرىنشى ءبولىمىن ورىنداعان. اتاپ ايتقاندا تۇركيا بيلىگى يدليبتەگى اسكەرىنىڭ باسىم كوپشىلىگىن ەلگە قايتارعان. بىراق كەلىسىمنىڭ ەكىنشى ءبولىمى ءالى ورىندالعان جوق. اماقتاعى تەررورلىق ۇيىمدار مەن وپپوزيتسيالىق توپتار قارۋلارىن تاستاپ، بەيبىت كەلىسسوزدەر جۇرگىزۋدەن باس تارتۋدا.

حالىقارالىق ساراپشىلار پىكىرىنشە، انكارا مەن ماسكەۋ اراسىنداعى ۋاقىتشا كەلىسىمنىڭ ارتى ساياسي قاقتىعىسقا ۇلاسۋى مۇمكىن. سەبەبى باشار اساد رەجيمى يدليبتەگى كەلىسىمدەردىڭ تولىققاندى ورىندالماۋىن سىلتاۋراتىپ وداقتاسى رەسەيدى تۇركياعا قارسى قويۋى مۇمكىن.

جالپى، يدليب اۋماعىنداعى تەررورلىق ۇيىمدار مەن وپپوزيتسيالىق توپتاردىڭ السىرەۋىنە ساۋد ارابياسى سياقتى ايماقتىق دەرجاۆالار دا مۇددەلى ەمەس. سەبەبى ەر-رياد ايماقتاعى قارۋلى توپتاردى استىرتىن قولداۋدا.

"The Qazaq Times"