ۇلىبريتانيا پرەمەر-ءمينيسترى تەرەزا مەي ەۋروپا وداعىمەن (ەو) Brexit شەشىمىنە قاتىستى ورتاق ارەكەت ەتەتىنىن ايتتى.
Financial Times-ءتىڭ حابارلاۋىنشا، ازىرشە لوندون مەن بريۋسسەل ەكەۋارا كەلىسىمگە كەلگەن جوق. مەملەكەتتە ەكىۇدايى پىكىر قالىپتاسسا دا، پرەمەر-مينيستر كەلىسسوزدىڭ ءساتتى بولاتىنا جانە «قاتاڭ Brexit» جوسپارىنسىز-اق وداقتان شىعاتىنىنا سەنىمدى.
وسىعان دەيىن مەيگە قارسىلىق ءبىلدىرۋشى توپ پرەمەرگە سەنىمسىزدىك بىلدىرەتىن جولداۋدى دايىنداپ قويعان بولاتىن. ۆۆس تەلەارناسى ساراپتامالىق حابارلاردىڭ بىرىندە تەرەزا مەيدىڭ ەۋرووداقتان شىعۋ جايلى شەشىمىنىڭ مۇلدە سىن كوتەرمەيتىنىن ايتىپ، ونىڭ ەلۋ شاقتى ارىپتەسى بىرلەسىپ مينيسترلەر كابينەتىنىڭ جەتەكشىسىن بيلىكتەن كەتىرۋ ءۇشىن «ساياسي ستسەناري» قۇراستىرعانىن مالىمدەگەن. ولاردىڭ ويىنشا، مەيدىڭ «ماعىناسىز مالىمدەمەسى مەملەكەتتى قۇلدىراتادى».
ەسكە سالا كەتەيىك، ۇلىبريتانيا ەو-دان 2019 جىلدىڭ ناۋرىزىندا شىعادى دەپ جوسپارلانعان. لەيبوريستەر مەن باسقا دا وپپوزيتسيالىق كۇشتەر بۇل شەشىمگە تۇبەگەيلى قارسىلىق ءبىلدىردى. سوعان قاراماستان، بريتانيا ۇكىمەتى بيىل شىلدەدە وداق قۇرامىنان شىعۋ تۋرالى كەلىسىم جوباسىن ۇسىندى. كەلىسىمگە سايكەس، ۇلىبريتانيا ەۋروپانىڭ ورتاق نارىعىندا اۋىلشارۋاشىلىعى تاۋارلارىن شەكتەۋسىز ساۋدالاي الادى جانە ەكونوميكالىق جاعدايدا ەۋروپالىق ستاندارتتاردى ساقتاۋ مۇمكىندىگىنە يە بولادى. ەگەر مەيدىڭ جوسپارى جۇزەگە اسسا، بىرىككەن كورولدىك الداعى ون جىل ىشىندە ەۋرووداققا 40 ميللياردقا جۋىق ەۋرو تولەيدى.
ءبىز رەسەيدىڭ گۋبەرنياسى ەمەسپىز! سوۆەت تۋىن جۇلىپ العانى ءۇشىن قامالعان ازامات شىقتى
شوقپار اۋىلىنداعى ۋران قاتەرى. اكىم جوققا شىعارادى. تۇرعىندار رادياتسيا دەپ ۇرەيلەنەدى
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى