قىتايدا ينتەرپول باسشىسى جوعالىپ كەتتى – دەپ حابارلايدى «The Independet» باسىلىمى.

«The Independet» مالىمەتىنشە، 64 جاستاعى ينتەرپول باسشىسى مەن حۋنۆەي 29 قىركۇيەك كۇنى قىتايعا ىسساپارمەن كەتكەن جانە سول ۋاقىتتان بەرى بايلانىسقا شىقپاعان.

فرانتسيانىڭ لەون قالاسىندا تۇراتىن حۋنۆەي 2016 جىلى يتەرپول باسشىسى بولىپ تاعايىندالعان. قازىرگى تاڭدا فرانتسيا قۇزىرلى ورگاندارى «ادام جوعالۋ» بابى بويىنشا قىلمىستىق ءىس قوزعاعان.

"Le Monde" باسىلىمىنىڭ دەرەككوزدەرىنە سەنسەك، حۋنۆەي جوعالىپ كەتكەن جوق. ونى قىتاي بيلىگى قاماۋدا ۇستاپ وتىر. سەبەبى قازىرگى ۋاقىتتا قىتايدىڭ جوعارى باسقارۋشى بيلىك ەليتاسىندا بيلىكتى بولىسكە سالۋ ءجۇرىپ جاتىر.

فرانتسيا باسىلىمىنىڭ بۇل اقپاراتىن گونكونگتىڭ  "South China Morning Post" گازەتىدە راستايدى. ولاردىڭ پىكىرىنشە، مەن حۋنۆەي قىتايدا تەرگەۋگە الىنىپ، قىتاي ارنايى قىزمەتىنىڭ اباقتىسىندا وتىرۋى مۇمكىن. سول سەبەپتىدە ول وسى ۋاقىتقا دەيىن بايلانىسقا شىقپاۋدا.

مەن حۋنۆەي بۇعان دەيىن قىتايدىڭ قوعامدىق قاۋىپسىزدىك ءمينيسترىنىڭ ورىنباسارى بولعان. ونىڭ يتەرپولداعى قىزمەتى 2020 جىلى اياقتالادى.

"The Qazaq Times"