وزبەكستاننىڭ فەرعانا وبلىسى، كۋۆاساي قالاسىنداعى «كۋۆاسايتسەمەنت» زاۋىتىندا جۇمىسشىلار ەرەۋىلگە شىقتى.
Asiaterra.info ينتەرنەت باسىلىمىنىڭ مالىمەتىنشە، "كۋۆاسايتسەمەنت" جۇمىسشىلارى جاپپاي قىسقارتۋلارعا قارسى نارازىلىق اكتسياسىن ۇيىمداستىرعان.
جۇمىس ۋاقىتى باستالار الدىندا، تاڭعى ساعات 7-دە جۇمىسشىلار مىنگەن اۆتوبۋس زاۋىت قاقپاسىنىڭ الدىنا توقتاپ، كاسىپوداق كوميتەتىنە بەت العان. ونداعى جۇمىسشىلار اكىمشىلىك پىكىرىن تىڭدامايىنشا، جۇمىسقا شىقپايتىندارىن بىلدىرگەن.
وسىدان كەيىن وقيعا ورنىنا كۋۆاساي قالاسى اكىمى ميليتسيا جاساعىمەن كەلگەن. زاۋىتتىڭ تەحنيكالىق ديرەكتورى ودان جۇمىسشىلار تولقۋىن باسۋدى تالاپ ەتكەن. زاۋىت قىرعىزستانمەن شەكارالاس ايماقتا ورنالاسقاندىقتان، بۇل جەر ەرەكشە باقىلاۋعا الىنعان.
جارتى ساعاتتان كەيىن زاۋىتتىڭ باس ديرەكتورى يۋري ستارىگين مەن ورىنباسارى سەرىك ۋكانوۆ كەلگەن. كۋۆاساي اكىمى زاۋىت باسشىلارىمەن جانە جۇمىسشىلارمەن سويلەسىپ، كيكىلجىڭدى شەشۋگە كومەكتەسۋگە ۋادە بەرگەن. وسىدان كەيىن جۇمىسشىلار تارقاعان.
زاۋىتتا جالپى سانى 1600-دەن استام ادام جۇمىس ىستەيدى. بۇعان دەيىن زاۋىت باسشىلىعى 2018-2019 جىلدار ارالىعىندا 500 ادامدى قىسقارتامىز دەگەن ەسكەرتۋ جاساعان.
زاۋىتتى الماتىدا ورنالاسقان "قازاقستان تسەمەنت كومپانياسى" جشس باسقارادى. سوڭعى بەس جىل ىشىندە "كۋۆاسايتسەمەنتتە" 15 باس ديرەكتور اۋىسقان.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى