فوتو: newsweek.com

بۋداپەشتتە حالىق نارازىلىعى ۋشىعا ءتۇستى. بۇگىن جالپى سانى 4 مىڭعا جۋىق نارازى توپ پرەمەر-مينيستر ۆيكتور ورباننىڭ بيلىكتەن كەتۋىن تالاپ ەتىپ، ەرەۋىلگە شىقتى. بۇل تۋرالى hunqary.com حابارلايدى.

تاياۋدا ەۋروپارلامەنت دەپۋتاتى دجۋديت سارگەنتيني ۆەنگرياعا قاتىستى «جۇرت شوشىرلىق» مالىمدەمە جاساعان بولاتىن. ول ءوز سوزىندە «ۆەنگريا ەۋرووداقتىڭ دەموكراتيالىق شەكتەۋ پرينتسيپتەرىن جويۋعا تالپىناتىنىن» – ايتقان. دەمەك، بۇل شەشىم مەملەكەتتىڭ ىشكى جاعدايىنا نۇقسان كەلتىرۋى ىقتيمال.

بۇل تاقىرىپقا قاتىستى ەۋروپارلامەنت جاڭا قارار ۇسىنرعان. رسەسمي قۇجات بويىنشا، ۆەنگريا استىرتىن ارەكەتى ءۇشىن داۋىس بەرۋ قۇقىعىنان ايىرىلادى. سونىمەن قاتار، ءباسپاسوز بوستاندىعى، ميگراتسيا ماسەلەلەرى مەن ءسوز ەركىندىگىنە شەكەتۋ قويىلادى. قاتاڭ شەشىممەن كەلىسپەگەن جۇرتشىلىق ۇكىمەت باسشىلارىنا قارسى الاڭعا شىقتى. ولاردىڭ نەگىزگى ماقساتى – حالىق ەركىندىگىنىڭ قايتا قالپىنا كەلۋى.

ۆەنگريا جەرگىلىكتى اقپارات قۇرالدارىنىڭ حابارلاۋىنشا، نارازى توپ «ەۋروپا قۇرامىنان الىستاماي، وي مەن ءسوز ەركىندىگىنە قول جەتكىزۋدى قالايمىز. بۇل تۇرعىدا حالىققا وپاسىزدىق جاساپ وتىرعان ۆيكتور ورباندى ءبىز عانا تاقتان تايدىرا الامىز. سول كەزدە عانا ناعىز تاۋەلسىزدىك ۇستەمدىك قۇرادى»، – دەگەن.

مەملەكەتتەگى استىرتىن ارەكەتتەر تۇبىندە ءوز شەشىمىن تابادى. دەمەك، ۆەنگريا تۇرعىندارى ىزدەگەن ادىلدىك جاقىن ارادا ورناسا، ۇكىمەت تاراپىنان ەلەۋلى وزگەرىستەر ورىن الادى.

"The Qazaq Times"