تەڭىزگە شىعاتىن جولى جوق ەل رەتىندە قىرعىزستان باتىس پەن شىعىس اراسىنداعى ساۋدانى جالعايتىن كولىك مارشرۋتتارىن دامىتۋعا مۇددەلى. بۇل تۋرالى قىرعىزستان پرەزيدەنتى سوورونباي جەەنبەكوۆ 3 قىركۇيەكتە شولپان-اتادا تۇركىتىلدەس مەملەكەتتەر ارىپتەستىگى كەڭەسىنىڭ سامميتىندە مالىمدەدى.
ونىڭ ايتۋىنشا، "قىتاي-قىرعىزستان-وزبەكستان" تەمىر جول ماگيسترالىنىڭ قۇرىلىسىن دامىتۋ وتە ۇلكەن ماڭىزعا يە. سەبەبى قىرعىزستان باتىس پەن شىعىستى جالعاۋدا التىن كوپىر بولۋعا مۇددەلى.
«قىتاي-قىرعىزستان-وزبەكستان» باعىتىنداعى تەمىر جول قۇرىلىسى تۋرالى باستاما جيىرما جىلدان بەرى ايتىلىپ كەلەدى. بىراق جوبا ءالى جۇزەگە اسقان جوق.
2017 جىلى جوبا قىزۋ تالقىلاندى. وتكەن جىلى 25-27 جەلتوقسان ارالىعىندا تاشكەنتتە تەمىر جول قۇرىلىسىنا قاتىستى ءۇش جاقتى كەلىسسوز ءوتتى. كەزدەسۋدە جوبانى جۇزەگە اسىرۋ مەرزىمى ناقتىلانعانى حابارلاندى. بيىل ساۋىردە تاراپتار جاڭا تەمىر جول مارشرۋتىن انىقتاۋى ءتيىس بولعان.
2002 جىلى بەيجىڭ جوبانىڭ تەحنيكا-ەكونوميكالىق نەگىزدەمەسىن دايىنداپ، تەمىر جول وزبەكستاندا تورۋگارت، ارپا جايلاۋى، ۇزگەن جانە كارا-سۋي اۋداندارى ارقىلى ءوتۋى كەرەك دەپ بەلگىلەگەن. قىرعىزستانداعى جولدىڭ ۇزاقتىعى - 268 شاقىرىم بولادى. جوبا بويىنشا، 95 كوپىر جانە شامامەن 50 شاقىرىمدىق 48 توننەل سالىنادى دەپ جوسپارلانعان.
2012 جىلى قىرعىزستان جوبانىڭ ءوز نۇسقاسىن ۇسىندى. ول بويىنشا، پويىزدار تورۋگارت، ات-باشي، اك-تال، توگۋز-توروۋ جانە سۋزاك اۋداندارى ارقىلى ءجۇرۋى كەرەك. جول قۇرىلىسىنا 2 ملرد دوللار كەتەدى دەپ ەسەپتەلگەن.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى