قازاقستاننىڭ مەملەكەتتىك قارىزدارى سوڭعى بەس جىلدا ءتورت ەسەگە وسكەن

قازاقستاننىڭ مەملەكەتتىك قارىزدارى سوڭعى بەس جىلدا ءتورت ەسەگە وسكەن.

Finprom.kz مالىمەتىنشە، قازىرگى تاڭدا قازاقستاننىڭ مەملەكەتتىك قارىزى 14,8 تريلليون تەڭگەنى (42 ميلليارد دوللاردى) قۇرايدى. بۇل كورسەتكىش وتكەن جىلمەن سالىستىرعاندا 21,9 پايىزعا كوپ. ساراپشىلار مەملەكەتتىك قارىزداردى ءۇش بولىككە ءبولىپ قاراستىرۋدا. اتاپ ايتقاندا:

ءبىرىنشى: مەملەكەتتىك قارىز - 14,2 ترلن. تەڭگە (39 ملرد. دوللار)

ەكىنشى: مەملەكەتتىڭ كەپىلدىگىمەن الىنعان قارىزدار - 523 ملرد تەڭگە (1,5 ملرد دوللار)

ءۇشىنشى: مەملەكەتتىڭ كەپىلدىگىمەن الىنعان ىشكى بەرەشەكتەر - 37,8 ملرد. تەڭگە (105 ملن. دوللار)

جالپى، مەملەكەتتىك قارىزدار ۇكىمەتتىڭ ىشكى بەرەشەكتەرى نەگىزىندە وسكەن. بيىلعى جىلى مەملەكەتتىڭ ىشكى قارىزدارى 30,6 پايىزعا ياعني 4,4 تريلليون تەڭگەدەن، 5,8 تريلليون تەڭگەگە دەيىن ۇلعايعان. ال ءوز كەزەگىندە سىرتقى مەملەكەتتىك قارىزدار اعىمداعى جىلى 4,7 پايىزعا نەمەسە 210 ميلليارد تەڭگەگە وسكەن. ورتا ەسەپپەن العاندا قازاقستاننىڭ مەملەكەتتىك قارىزدارى جىلىنا 28, 8 پايىزعا ۇلعايۋدا.

“The Qazaq Times”