ۇلتتىق قاۋىپسىزدىك مەملەكەتتىك كوميتەتىنىڭ شەكارا قىزمەتى قىرعىز-تاجىك شەكاراسىنداعى داحما ايماعىندا وق اتىلعانىن حابارلادى. بۇل تۋرالى ورتالىق ازيا جاڭالىقتار قىزمەتى جازدى.
رەسمي حابارعا سايكەس، 1 جەلتوقساندا كەشكى ساعات 9-دان وتكەندە مەملەكەتتىك شەكارانىڭ شارتتى ۋچاسكەسىندە تاجىكستان تاراپتان بەلگىسىز ادامدار اڭشى مىلتىعىمەن 7-8 رەت وق اتقان.
وقيعا بولعان جەرگە قىرعىزستان جانە تاجىكستاننىڭ شەكارا بەكەتتەرىنىڭ قىزمەتكەرلەرى كەلىپ، وق اتقانداردى شۇعىل ىزدەۋگە كەلىسكەن.
شەكارا بويىنشا باتكەن جانە سوعدى وبلىستارىنىڭ وكىلدەرى دە تەلەفون ارقىلى سويلەسكەن.
قىرعىز تاراپ تۇنگى ساعات 22:30-گە قاراتا جاعداي تىنىشتالعانىن حابارلادى. تاجىكستان تارابى ازىرگە رەسمي پىكىر بىلدىرمەدى.
سول كۇنى باتكەن اۋدانىنىڭ كوك-تاش اۋىلىنىڭ تۇرعىنىن كورشى ەلدىڭ ازاماتتارى ساباپ، ول اۋرۋحاناعا تۇسكەن. قىرعىزستاندىقتار ءبىر تاجىك ازاماتىن ۇستاپ، كەيىن بوساتقانىن مالىمدەگەن.
قىرعىز-تاجىك شەكاراسىندا ءجيى قاقتىعىستار بولىپ تۇرادى. بيىل كوكتەمدە قارۋلى قاقتىعىس ورىن الىپ، ەكى تاراپتان دا ونداعان ادام قايتىس بولىپ، ءبىراز ادام جاراقاتپەن اۋرۋحاناعا تۇسكەن.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى