"يم" توبىنىڭ جەتەكشىسى جاڭا ۆيدەو مالىمدەمە جاساعان. فوتو: BBC.

وزدەرىن «يسلام مەملەكەتى» اتاعان تەررورلىق توپتىڭ جەتەكشىسى ابۋ باكر ءال-باعداتي ينتەرنەت جەلىسىندە جاريالانعان پروپاگاندالىق ۆيدەودا پايدا بولدى. بۇل تۋرالى BBC جانە امەريكالىق تەلەارنالار حابار تاراتتى.

ابۋ باكر ءال-باعداتي ەڭ العاش 2014 جىلى موسۋلداعى ءال-نۋري مەشىتىندە «حاليفات» جاريالاعان ۆيدەوسىندا ەل كوزىنە تۇسكەن بولاتىن. وزدەرىن «يسلام مەملەكەتى» دەپ اتالاتىن رەجيم رەتىندە جاريالاعاننان كەيىن ەش جەردە ۆيدەوعا تۇسكەن ەمەس، ال ينتەرنەتتە تەك داۋىستىق ۇندەۋلەرى عانا تاراپ جۇرگەن.

بۇعان دەيىن ءسۇريادا ۇرىس سالعان اقش پەن رەسەيدىڭ قارۋلى كۇشتەرى «يم» جەتەكشىسى ءال-باعداتيدىڭ ءولدى دەپ مالىمدەگەن بولاتىن. 2017 جىلى  راككا شايقاستارىنىڭ بىرىندە اۋە شابۋىلدارىنان ولگەن لاڭكەستەردىڭ اراسىنان ءال-باعداتيگە ۇقسايتىن ءبىر ادامنىڭ سۋرەتى دە جاريالانعان. دەگەنمەن، بۇل تۋرالى بۇلجىماس دالەل الىپ شىققان ەشكىم بولماعان.

ءبىر اي بۇرىن عانا ءسۇريا مەن يراك جەرىندە «يم» كۇشتەرى تولىق تالقاندالعانىن رەسمي تاراپتار مالىمدەگەن ەدى. سوڭعى ۆيدەو ماتەريالدىڭ قاشان تۇسىرىلگەنى بەلگىسىز. الايدا، وندا ول باگحۋزداعى قورشاپ ۇستاۋ وپەراتسياسى كەزىندە قۇتىلىپ شىققانىن ايتقان. ونىڭ قايتالاي ۆيدەو ۇندەۋدەن بوي كورسەتۋى ونى ءولدى دەگەن مالىمەتتەردىڭ ءبارىن جوققا شىعارۋدا. بۇل دا «ءال-كايدا» جەتەكشىسى ۋساما بين لادەنگە ۇقساس دەرجاۆالار اراسىندا ءالى بە بىرنەشە رەت «ءولتىرىلۋى» مۇمكىن.

“The Qazaq Times”