قازاق-وزبەك شەكاراسىندا جۇزدەگەن جۇك كولىگى وتە الماي تۇر – دەپ حابارلايدى Sputnik قازاقستان اقپارات اگەنتتىگى.

تۇركىستان وبلىسى مەملەكەتتىك كىرىستەر دەپارتامەنتىنىڭ مالىمەتىنشە، جۇك كولىكتەرىنىڭ قازاقستاننىڭ «ب. قونىسباەۆ» وتكىزۋ بەكەتىندە تۇرىپ قالۋىنا وزبەكستان كەدەن قىزمەتىنىڭ شەتەلدىك جۇك ترانزيتتەرىن تەك ەكى عانا بەكەتتەن وتكىزىپ جاتقانى سەبەپ بولعان.

اتاپ ايتقاندا قازىرگى تاڭدا وزبەكستان كەدەنشىلەرى شەتەلدىك جۇك ترانزيتتەرىن «ياللاما» جانە «قاراقالپاقستان» بەكەتتەرى ارقىلى وتكىزۋدە. ونىڭ ۇستىنە سوڭعى كۇندەرى وزبەكستان تاراپى حالىقارالىق جۇك ترانزيتىنە باقىلاۋدى كۇشەيتكەن. سالدارىنان قازاق-وزبەك شەكاراسىندا جۇزدەن استام جۇك كولىگى وتە الماي كەزەك كۇتىپ قالعان.

“The Qazaq Times”